Fana: At a Speed of Life!

አርመኒያ በ51 ሁለተኛ ደረጃ ትምህርት ቤቶች የኢኖቬሽን ማበልፀጊያ ማዕከላት ግንባታ ላይ ድጋፍ ልታደርግ ነው

አዲስ አበባ፣መጋቢት 25፣2011 (ኤፍ.ቢ.ሲ) የአርመኒያ መንግስት በኢትዮጵያ በተመረጡ 51 የሁለተኛ ደረጃ ትምህርት ቤቶች የኢኖቬሽን ማበልፀጊያ ማዕከላት ግንባታ ላይ ሙሉ ድጋፍ ሊያደርግ መሆኑ ተገልጸ፡፡

የኢኖቬሽንና ቴክኖሎጂ ሚኒስቴር ኃላፊዎች በአርመኒያ የውጭ ጉዳይ ሚኒስቴር የተመራ ልኡክ ጋር ሀገራቱ በኢኖቬሽንና ቴክሎጂ ዘርፍ በጋራ በሚሰሩባቸው መስኮች ዙሪያ በዛሬው ዕለት ተወያይተዋል፡፡

የአርመኒያ መንግስት አርማዝ የተሰኘ የኢኖቬሽን ማበልፀጊያ በሀገሪቱ ባሉ ምህርት ቤቶች ተሞክሮ ውጤት በማምጣቱ ነው በኢትዮጵያም እንዲዘረጋ እንቅስቃሴ የተጀመረው ተብሏል፡፡

አርመኒያ በኤሌክትሮኒክስ የመንግስት አገልግሎት አሰጣጥ፣ በከፍተኛ ቴክኖሎጂ የስራ እድል ፈጠራ፣ በኢንተርኔት አገልግሎት በጥቅሉ በአይሲቲ ዘርፍ ጥሩ ደረጃ ላይ የምትገኝ ሀገራ መሆኗ ተጠቅሷል፡፡

ይህንንም ልምዷን ለኢትዮጵያ ለማካፈል ፍላጎት እንዳላት በውጭ ጉዳይ ሚኒስትሯ ዞሃርብ ናሳካኒያን በኩል ይፋ አድርጋለች፡፡

ኢትዮጵያ እና አርመኒያ በጋራ የምርምር ፕሮጀክቶችን በመንደፍ የአውሮፓ ህብረትን ድጋፍ የሚያገኙበትን መንገድ ለማመቻቸትም የሁለትዮሽ ግንኙነቱ ትልቅ ጠቀሜታ እንዳለው የኢኖቬሽና ቴክኖሎጂ ሚኒስትሩ ዶክተር ጌታሁን መኩሪያ ተናግረዋል፡፡

ቀበሌ እና ወረዳ ላይ የሚሰጥ የመንግስት አገልግሎትን ለማቀላጠፍ የአረመኒያ ተሞክሮ ጠቀሜታው የጎላ እንደሚሆንም ተናግረዋል፡፡

የአዲስ አበባ ዩኒቨርሲቲና የአርመኒያ ኢንተርፕራይዝ ኢንኩቤሽን ፋውንዴሽን በጋራ ለመስራት የሚስችላቸውን ስምምነትም መፈራረማቸውን ከሚኒስቴሩ ያገነነው መረጃ ያመለክታል፡፡

ኢትዮጵያና አረመኒያ ለዘመናት የቆየ የሁለትዮሽ ግንኙነት አንዳላቸውም የሚታወቅ ነው፡፡

 

You might also like
Comments
Loading...