Fana: At a Speed of Life!

አራት የቻይና ኩባንያዎች ከኢትዮጵያ ጋር የኢንቨስትመንት ስምምነት ተፈራረሙ

አዲስ አበባ፣ ሚያዚያ 18፣ 2011 (ኤፍ.ቢ.ሲ) አራት የቻይና ኩባንያዎች ከኢትዮጵያ ጋር የኢንቨስትመንት ስምምነት ተፈራረሙ።
ከቤልትና ሮድ ጉባኤ ጎን ለጎን የኢትዮጵያ ኢንቨስትመንት ኮሚሽን ከተለያዩ የቻይና ኩባንያዎች ጋር አራት የመግባቢያ ሰነዶችን ተፈራርሟል።
 
ቴይሰን ቡድንና ግሪን ዳይመንድ የተባሉ ሁለት ኩባንያዎች በቤኒሻንጉል ጉሙዝ ክልል አሶሳ እስከ 1ሚሊየን ቶን ወረቀት በዓመት ለማምረት የቀርከሀ ወረቀት ፋብሪካ ለመገንባትና አሚቲ ህትመት ኩባንያ በኢትዮጵያ መዋዕለ ንዋያቸውን ለማፍሰስ ነው ስምምነቶቹ የተፈረሙት።
 
ሲ.ጂ.ሲ.ኦ.ሲ ቡድን የተባለው ኩብንያም በዓመት እስከ 300 ሺህ ከብትና 3 ሚሊዮን በጎች ለገበያ የሚያቀርብ የቁም ከብትና ሥጋ ማሰናጃ ቄራ በአፋር ለመክፈትና ዜንዴ የሕክምና ውጤቶች ማምረቻ በቂሊንጦ የኢንዱስትሪ ፓርክ የሕክምና መገልገያዎች ማምረቻ፣ የቁስል ማከሚያ፣ የቀዶ ጥገና ማካሄጃ፣ የቀዶ ጥገና ሕክምናና ቋሚ መገልገያዎችን ለማምረት የሚያስችልም ስምምነት ገብቷል።
 
የኢንቨስትመንት ኮሚሽን ኮሚሽነር አቶ አበበ አበባየሁ በስምምት ፊርማው በኋላ ለፋና ብሮድካስቲንግ ኮርፖሬት አንደተናገሩት፥ ተይሰንና ግሪን ዳይመን የተባሉ ሁለት የቻይና ኩባንያዎች የቀርቀሃ ሀብትን በመጠቀም በቤንሻንጉል ጉሙዝ ክልል አሶሳ በዓመት 1 ሚሊየን ቶን ፐልብና ወረቀት ለማምረት የሚያስችለውን ስምምነት ፈርመዋል።
 
ኩባንያዎቹ በሙሉ አቅማቸው ወደ ስራ ሲገቡም 2 ቢሊየን የአሜሪካ ዶላር ያህል ካፒታል ለማፍሰስ ስምምነቱን ማድረጋቸውን ነው ገለጹት።
 
ኢትዮጵያ አብዛኛው የወረቀት ውጤቶችን ከውጭ እንደምታስገባ የገለጹት ኮሚሽነሩ፥ ኩባንያዎቹ በኢትዮጵያ ስራቸውን ሲጀምሩ የሀገሪቱን ፍላጎት በማሟላት ወደ ውጭ ለመላክ የሚያስችል ነው ብለዋል።
 
አብዛኛው የመመማሪያ መጽሃፍትና ሌሎች መጽሃፍቶችም በውጭ ሀገራት የሚታተሙ ሲሆን፥ ለዚሁ የሚወጣውን የውጭ ምንዛሪም ያስቀራል ነው ያሉት።
 
የጎረቤት ሀገራትን መሰል አገልግሎት ለመስጠትም ምቹ ሁኔታን እንደሚፈጥር አቶ አበበ ተናግረዋል።
 
ወደፊት በአሶሳ የኢንዱስትሪ ፓርክ እንደሚገነባ የጠቆሙት ኮሚሽነሩ፥ ይህ ኢንቨስትመንት በዚሁ ኢንዱስትሪ ፓርክ ውስጥ እንደሚካተትም አንስተዋል።
 
ስምምነቱን የፈረሙት የአሚቲ ፋውንዴሽን ቦርድ ሊቀመንበር ኪዞንግ ሁዊ በበኩላቸው ኩባንያው በዓለም አቀፍ ደረጃ ያካበተውን ልምድ በመጠቀም በኢትዮጵያ ውጤታማ ለመሆን ተዘግጅቷል ብለዋል።
 
በኢትዮጵያ ቀድም ሲል በተለያዩ መሰረተ ልማቶችና በአምራች ተቋማት ዘርፍ ላይ የተሰማራው የሲ ጂ ኦ ሲ ኩባንያ በ215 ሚሊየን የአሜረካ ዶላር በአፋር ክልል የእርድ ከብቶች ማርቢያና ስጋ ማቀነባባሪያ ለመገንባት ስምምነት ተፈራረርሟል።
 
የኩባንያው ምክትል ፕሬዚዳንት ጋወ ሊ ተቋማቸው ለዚሁ ስራ በቂ ዝግጅት ማድረጉን ነው የተናገሩት።
 
በ75 ሚሊየን የአሜሪካ ዶላር በቂሊንጦ ኢዱስትሪ ፓርክ የህክምና ግብዓት ቁሳቁሶችን ለማምረትም ዜንዴ ሜዲካል ኩባንያ ስምምነት አድርጓል።
 
 
በሰላማዊት ካሳ
You might also like
Comments
Loading...