Fana: At a Speed of Life!

ታንዛኒያ ዓለም አቀፉ የገንዘብ ተቋም ያወጣውን ሪፓርት ውድቅ አደረገች

አዲስ አበባ፣ ሚያዚያ 11፣ 2011 (ኤፍ.ቢ.ሲ) ታኒዛኒያ አለም አቀፉ የገንዘብ ተቋም (አይ ኤም ኤፍ) የሀገሪቱ ኢኮኖሚያዊ እድገት ዝቅተኛ ነው በማለት ያወጣውን ሪፖርት እንደማትቀበለው አስታወቀች፡፡

በአለም አቀፉ የገንዘብ ተቋም የሚወጣው ሪፓርት በውጭ ኢንቨስትመንት እና በድጋፍ ፍሰት ላይ ከፍተኛ አስተዋፅኦ እንዳለው ነው የሚነገረው፡፡

በአይ ኤም ኤፍ አንቀፅ አራት ስምምነት መሰረት ተቋሙ የአባል ሀገራትን አለም አቀፍ የገንዝብ ስርዓት ጤናማነትን ለማረጋገጥ በየሀገራቱ የኢኮኖሚ፣ ፋይናንስ እና የውጭ ሀገር ገንዘብ የምንዛሪ ተመን ፓሊስ ላይ ግምገማ እንዲያደርግ ይፈቅዳል፡፡

በዚህም የተቋሙ ባለሙያዎች በአመት ቢያንስ ለአንድ ጊዜ ወደ አባል ሀገራት በመሄድ የመረጃ ትንተና እና ከባለስልጣናት ጋር ውይይት ያደርጋሉ፡፡
በግምገማው መሰረትም አባላት ሀገራቱ የተገኘውን ሪፖርት በይፋዊ ድረ ገፅ እንዲያወጡ ያስገድዳል፡፡

ሆኖም ታንዛኒያ የኢኮኖሚያዊ እድገቷ ዝቅተኛ እንደሆነ የሚያሳየውን ይህንን የአይ ኤም አፍ ሪፓርት በይፋዊ ድረ ገፅ እንዳማታወጣው አስታውቃለች፡፡

የአለም አቀፉ የገንዘብ ተቋም ሪፖርት ታንዛኒያ ባለፈው የፈረንጆቹ አመት 6 ነጥብ 6 በመቶ የነበረው የኢኮኖሚ እድገት በዘንድሮ አመት ወደ 4 በመቶ ዝቅ እንዳለ ነው የሚያሳየው፡፡

ታንዛኒያ በምስራቅ አፍሪካ ከኬንያ በመቀጠል ትልቅ ኢኮኖሚ ያላት ሀገር ናት፡፡

ምንጭ፡-ሲ ጂ ቲ ኤን

You might also like
Comments
Loading...