Fana: At a Speed of Life!

ባለፉት 9 ወራት ከ182 ሚሊዮን ብር በላይ ገንዘብ በህገ ወጥ መንገድ ሲዘዋዎር በቁጥጥር ስር ውሏል

አዲስ አበባ፣ ሚያዚያ 14 ፣ 2011 (ኤፍ.ቢ.ሲ) ባለፉት 9 ወራት ከ182 ሚሊዮን ብር በላይ ገንዘብ በህገ ወጥ መንገድ ሲዘዋዎር በቁጥጥር ስር መዋሉን የገቢዎች ሚኒስቴር ገለጸ፡፡

ባለፉት 9 ወራት 182 ሚሊየን 741ሺህ 382 ብር ዋጋ ያላቸው የተለያዩ ሀገራት ገንዘብ ኖቶች በህገ ወጥ መንገድ ሲዘዋወሩ በተለያዩ የጉምሩክ መቆጣጠሪያ ጣቢያዎች ተይዘዋል፡፡

የገቢዎች ሚኒስቴር መረጃ እንደሚያመላክተው በህገወጥ መንገድ ሲዘዋዎር ከተያዘው ገንዘብ ኖቶች መካከል 8ሚሊየን318ሺህ 543 ብር ወደ ሀገር ሲገባ የተያዘ ሲሆን÷ 174ሚሊየን 370ሺህ 819 ብር ዋጋ ያላቸውው የተለያዩ የውጭ ሀገራት ገንዘብ ኖቶች ደግሞ ከሀገር ሊወጡ ሲሉ የተያዙ ናቸው፡፡

የአዲስ አበባ ኤርፖርት ቅርንጫፍ ጽህፈት ቤት 97 ሚሊየን 339ሺህ 421 ብር ዋጋ ያላቸው የተለያዩ የገንዘብ ኖቶችን በቁጥጥር ስር በማዋል ቀዳሚውን ስፍራ ሲይዝ የጅግጅጋ ጉምሩክ ቅርንጫፍ ጽህፈት ቤት 74ሚሊየን 69ሺህ 892 ብር በቁጥጥር ስር በማዋል የሁለተኛ ደረጃን ይዟል፡፡

የአሜሪካን ዶላር፣ ብር፣ የጅቡቲ ፍራንክ፣ የሱዳን ፓውንድ፣ የሶማሌ ላንድ ሽልንግ አረብ ኤምሬትስ ድርሃም፣ የሳውዲ ሪያል፣ የካናዳ ዶላር፣ የናይጄሪያ ናይራና የሌሎች ሀገራት ገንዘብ ኖቶች በህገ ወጥ መንገድ ሲዘዋዎሩ የተያዙ መሆኑን ከሚኒሰቴሩ ያገኘነው መረጃ ያመለክታል፡፡

You might also like
Comments
Loading...