Fana: At a Speed of Life!

በ2020 ኦሊምፒክ ማጣሪያ የኢትዮጵያ ሴቶች ብሄራዊ ቡድን ዩጋንዳ አቻውን በማሸነፍ ወደ ቀጣዩ ዙር አለፈ

አዲስ አበባ፣ መጋቢት 28፣ 2011 (ኤፍ.ቢ.ሲ) የኢትዮጵያ ሴቶች ብሄራዊ ቡድን የዩጋንዳ አቻውን በደረስ መልስ በማሸነፍ በ2020 የቶክዮ ኦሊምፒክ ማጣሪያ ወደ ቀጣዩ ዙር አለፈ።

የኢትዮጵያ ሴቶች ብሄራዊ ቡድን የ2020 ኦሊምፒክ ማጣሪያ የመልስ ጨዋታውን በዛሬው እለት ከኡጋንዳ አቻው ጋር በኡጋንዳ አድርጓል።

ጨዋታውንም የኢትዮጵያ ሴቶች ብሄራዊ ቡድን የኡጋንዳ አቻውን 1ለ0 በሆነ ውጤት ማሸነፍ የቻለ ሲሆን፥ የማሸነፊያዋን ጎልም ሎዛ አበራ በ66ኛው ደቂቃ ከመረብ አሳርፋለች።

በዚህም መሰረት አዲስ አበባ ላይ በደረገው ጨዋታ የኡጋንዳ አቻውን 3ለ2 የረታው የኢትዮጵያ ሴቶች ብሄራዊ ቡድን፤ 4ለ2 በሆነ ድምር ውጤት በ2020 የቶክዮ ኦሊምፒክ ማጣሪያ ወደ ቀጣዩ ዙር ማለፍ ችሏል።

የኢትዮጵያ ሴቶች ብሄራዊ ቡድን ባሳለፍነው ረቡእ የኡጋንዳ አቻውን በአዲስ አበባ ስታዲየም በማስተናገድ 3ለ2 በሆነ ውጤት መርታቱ ይታወሳል።

የኢትዮጵያ ሴቶች ብሄራዊ ቡድን አሸናፊ ያደረጉ 3ቱ ግቦች ናሙኪሳ አይሻ (በራስ ላይ) በ13 ኛው ደቂቃ፣ ሎዛ አበራ በ76 እና ሰርካዲስ ጉታ በ78ኛ ደቂቃ ላይ አስቆጥረዋል፡፡

You might also like
Comments
Loading...