Fana: At a Speed of Life!

በፓሪስ በሚገኘው ጥንታዊው የኖተርዳም ካቴድራል ህንጻ ላይ የእሳት አደጋ ደረሰ

አዲስ አበባ ፣ ሚያዚያ 7 ፣ 2011 (ኤፍ ቢ ሲ) በፈረንሳይ መዲና ፓሪስ በሚገኘው ጥንታዊው የኖተርዳም ካቴድራል ህንጻ ላይ የእሳት አደጋ ደረሰ።

የእሳት አደጋው ምክንያት እስካሁን ባይታወቅም ለህንጻው እየተደረገ ካለው እድሳት ጋር ሳይያያዝ አይቀርም ተብሏል።

በተለያዩ የማህበራዊ የትስስር ገጾች ላይም 850 አመት እድሜ ያስቆጠረው ህንጻ በእሳት ሲነድ የሚያሳየቱ ምስሎች እየወጡ ነው።

የእሳት አደጋ ሰራተኞችም እሳቱን ለመቆጣጠር ጥረት እያደረጉ ነው ተብሏል።

ባለፈው የፈረንጆች አመት ከህንጻው እርጅና ጋር በተያያዘ አስቸኳይ ጥገና ማድረግ የሚያስችል ገንዘብ እንዲመደብለት ሲጠየቅ እንደነበር መረጃዎች ያመላክታሉ።

እድሜ ጠገቡና የፓሪስ መለያ ከሆኑት ታሪካዊ ህንጻዎች መካከል አንዱ የሆነው ይህ የካቴድራል ህንጻ በእርጅና ምክንያት መሰነጣጠቅ ጀምሮ እንደነበር ይነገራል።

 

 

ምንጭ፦ ቢቢሲ

You might also like
Comments
Loading...