Fana: At a Speed of Life!

ላለፉት 8 ዓመታት በኳታር በህክምና የቆየችው ወ/ሮ ሜሮን ወደ አገሯ ተመለሰች

አዲስ አበባ፣ ሚያዚያ 10፣ 2011 (ኤፍ.ቢ.ሲ) ላለፉት 8 ዓመታት በኳታር በህክምና የቆየችው ወይዘሮ ሜሮን ወደ አገሯ ተመለሰች፡፡

በኳታር በደረሰባት የጪስ መታፈን አደጋ ጉዳት ላለፉት ስምንት አመታት በሀማድ ሆስፒታል በህክምና ላይ የቆየችው ኢትዮጵያዊት ወይዘሮ ሜሮን መኮንን ትናንት ምሽት እኩለ ሌሊት ላይ ወደ አገሯ ተመልሳለች።

ጠቅላይ ሚኒስትር ዶክተር አብይ አህመድ በኳታር ባደረጉት ጉብኝት ለኳታር መንግስት ባቀረቡ ጥያቄ መሰረት ግለሰቧ በአስቸኳይ ወደ አገሯ እንድትመለስ ስምምነት ላይ በተደረሰው መሰረት መመልሷንም የውጭ ጉዳይ ሚኒስትር ቃል አቀባይ  ጽህፈት ቤት መረጃ ያመለክታል።

የውጭ ጉዳይ ሚኒስቴርና የጤና ሚኒስቴር ተወካዮች በቦሌ አለም አቀፍ የአውሮፕላን ማረፊያ በመገኘት አቀባበል አድርገውላታል።

የኳታር መንግስትም በአገር ቤት ለአንድ አመት መታከሚያ የሚሆናትን ወጪና ሙሉ የትራንስፖርት ወጪዋን የሚሸፍን መሆኑም ተገልጿል።

የውጭ ጉዳይ ሚኒስቴር ከጤና ሚኒስቴር ጋር በመተባበር አስፈላጊውን ክትትል የሚያደርግላት ይሆናል ነው የተባለው።

በሆስፒታሉ ቆይታዋ በኳታር የኢፌዴሪ ኤምባሲና በአገሪቱ የአትዮጵያ ኮሚዩኒቲ ክትትልና ድጋፍ ሲያደርጉላት ቆይተዋል።

You might also like
Comments
Loading...