Fana: At a Speed of Life!

በኬንያና ሶማሊያ አዋሳኝ የኩባ ዶክተሮች ማንነታቸው ባልታወቀ ታጣቂዎች ተጠለፉ

አዲስ አበባ፣ ሚያዚያ 4፣ 21011 (ኤፍ.ቢ.ሲ) በኬንያና ሶማሊያ አዋሳኝ የኩባ ዶክተሮች ማንነታቸው ባልታወቀ ታጣቂዎች ታገቱ፡፡

ታጣቂዎቹ በአካባቢው የነበረን ፖሊስ ገድለው ሁለት የኩባ ዶክተሮችን ማገታቸው ነው የተነገረው፡፡

እገታው የተፈጸመው በሃገሪቱ ሰሜን ምስራቅ አካባቢ ማንደራ በተባለው አካባቢ ሲሆን÷ ሁለቱ የኩባ ደክተሮች የኬንያ መንግስት የቅጥር ሰራተኞች ናቸው ተብሏል፡፡

እገታው ከአልቃይዳ ወይንም አልሻባብ ጋር ግንኙነት ባላቸው አካላት ሳይፈፀም እንዳልቀረም የሀገሪቱ መገናኛ ብዙሃን ዘግበዋል፡፡

በአካባቢው ተደጋጋሚ ጥቃቶች የሚፈጸሙ ሲሆን፥ አልሻባብ ለጥቃቶቹ ሃላፊነት ሲወስድ ቆይቷል።

ባሳለፍነው ማክሰኞ የአሜሪካ ኤምባሲ በሀገሪቱ የአሜሪካ ዜጎች እንዳይንቀሳቀሱባቸው በማስጠንቀቂያ ከዘርዘራቸው ቦታዎች ማንደራ ይገኝበታል።

ምንጭ፡- አልጀዚራ

You might also like
Comments
Loading...