Fana: At a Speed of Life!

በካንሰር ክትባት ላይ እየተደረጉ ያሉ ሙከራዎች ተስፋ ሰጪ መሆናቸው ተገለፀ

አዲስ አበባ፣ ሚያዚያ 9፣ 2011 (ኤፍ.ቢ.ሲ) በዓለማችን ላይ በገዳይነታቸው ቀዳሚውን ስፍራ ከሚይዙ የጤና እክሎም መካከል ካንሰር አንዱ ነው።

ተመራማሪዎችም ካንሰርን ለመከላከል ይቻል ዘንድ በየጊዜው የተለያዩ ሙከራዎችን በማድረግ ላይ የሚገኙ ሲሆን፥ ከወደ አሜሪካ የተሰማው አዲስ መረጃም ካንሰር ን ለመከላከል ለሚደረገው ዘመቻ ተስፋ ሰጪ ነው ተብሏል።

ይህም የካንሰር ክትባት ሲሆን፥ በካንሰር ከትባት ላይ እየተደረጉ ያሉ ሙከራዎች ተስፋ ሰጪ እየሆኑ መምጣታቻው ተነግሯል።

ክትባቱ የሰውነታችን በሽታ የመከላከል እቅምን በማሳደግ በውስጣችን የሚኖሩ የካንሰር ህዋሶችን የሚያጠፋ መሆኑን በአሜሪካ ኒዮርክ ሲቲ ህክምና ትምህርት ቤት ተመራማሪ የሆኑት ዶክተር ጆሽዋ በራደይ የተናገሩት።

በሙከራው መቅርም ክትባቱን ሲሰጡ የካንሰው ህዋሶቹ የፈጠሩት የካንሰር እጪ ሲቀልጥ መመልከት መቻላቸውንም ነው ዶክተር ጆሽዋ በራደይ ያስታወቁት።

ክትባቱ አስካሁን በ6 ሰዎች ላይ መሞከሩን እና ከሶስር እስከ 18 ወራት ጊዜ ውስጥ በግለሰቦቹ ውስጥ ያለውን የካንሰር እድገት መግታት መቻሉንም ገልፀዋል።

አሁን በሙከራ ደረጃ የተገኘው የካንሰር ክትባት ውጤት በቀጣይም የምርምር ስራው ተጠናክሮ እንዲካሄድ የሚያደርግ ነው ተብሏል።

በቀጣይም በጡት፣ በአንገት፣ በመሰል የካንሰር ታማሚዎች ላይ የክትባት ሙከራው እንደሚካሄድም ነው ተመራማሪዎቹ ያስታወቁት።

ምንጭ፦ www.upi.com

You might also like
Comments
Loading...