Fana: At a Speed of Life!

በኢትዮጵያ የተሰራው ባለሞተር ማረሻ ተመረቀ

አዲስ አበባ፣ ሚያዚያ 10፣ 2011(ኤፍ.ቢ.ሲ) በኢኖቬሽንና ቴክኖሎጂ ሚኒስቴር አማካኝነት የተሰራው ባለሞተር ማረሻ ተመረቀ፡፡

የተመረቀው ይህ ባለሞተር ማረሻ ለሀገሪቱ መሬት ተስማሚ እንዲሆን ተደርጎ የተሰራ ነው ተብሏል፡፡

ከማረሻው ሞተር ውጪ በኢትዮጵያውያን ባለሙያዎች የተሰራ በመሆኑ ለጥገና፤ ማሻሻያ ለማድረግና ተጨማሪ ጥቅሞችን ለመጨመር አመቺ መሆኑ ተጠቁሟል፡፡

በቀጣይ በዚህ ባለሞተር ማረሻ ላይ አርሶ አደሩ ተቀምጦ የሚያርስበት፣ መሬቱን ለመጎልጎል የሚያስችል እና ምርቱን ማረሻው ላይ ለመጫን የሚያስችሉ አዳዲስ ግልጋሎቶችን እንዲሰጥ ተደርጎ እንደሚዘምን ተነግሯል፡፡
ማጨድና መውቃት እንዲሁም ምርት መሰብሰብ የሚችል መጎታችም በቀጣይ እንደሚሰራለት ተጠቁሟል፡፡

አርሶ አደሩ በቀላሉ ነዳጅ ማግኘት እንዲችል ከእፀዋት ተረፈ ምርት መሰራት የሚችል ማዮፊዩል እንዲጠቀምም ይደረጋል ተብሏል፡፡

ማረሻው የኢኖቬሽና ቴክኖሎጂ ሚኒስትር ዶክተር ኢጅነር ጌታሁን መኩሪያን ጨምሮ የሚኒስቴሩ ከፍተኛ የስራ ኃላፊዎች እና የሮዳ ኢንጂነሪን ሰራተኞች በተገኙበት ተመርቋል፡፡

ባለሞተር ማረሻውን አርሶ አደሮች የመግዛት አቅም ኖሯቸው እንዲጠቀሙበት ለማድረግም ከግብርና ሚኒስቴር ጋር በትብብር እንደሚሰራ ሚኒስትሩ ተናግረዋል፡፡

You might also like
Comments
Loading...