Fana: At a Speed of Life!

በስህተት የማይደግፈውን ፓርቲ በመምረጡ ምክንያት ጣቱን የቆረጠው ህንዳዊ

አዲስ አበባ፣ ሚያዚያ 11፣ 2011 (ኤፍ.ቢ.ሲ) በስህተት የማይደግፈውን የፖለቲካ ፓርቲ በመምረጡ ምክንያት ጣቱን የቆረጠው ህንዳዊ መራጭ አነጋጋሪ ሆኗል።

በዴሞክራሲያዊ ምርጫ ስርዓት ላይ የአንድ መራጭ ድምፅ ብዙ ልዩነቶችን ልትፈጥር እንደምትችል ይታወቃል።

ይህን የተረዳው ወጣትም ሰሞኑን በህንድ በተካሄደው ምርጫ በስህተት ለማይደግፈው የፖለቲካ ፓርቲ ድምፅ በመስጠቱ ምክንያት ጣቱን መቁረጡ ተገልጿል።

ፓዋን ኩማር የተባለው ህንዳዊ በሀገሪቱ እየተካሄደ ባለው ምርጫ በሃሳብ የሚደግፈውን ፓርቲ ለመምረጥ ወደ ምርጫ ጣቢያ ያመራል።

በጣቢያው ከደረሰ በኋላም ተራውን ጠብቆ ምርጫውን ካከናወነ በኋላ ዜጎች ድጋሚ እንዳይመርጡ ለመከላከል የሚያስችለውን ቀለም ሌባ ጣቱ ላይ ተቀብቶ ይመለሳል።

ይሁን እንጅ ምርጫ ካካሄደ በኋላ በምርጫ ምልክቶች ላይ በተፈጠረ ስህተት ምክንያት የማይደግፈውን የፖለቲካ ፓርቲ መምረጡን ይገነዘባል።

የማይደግፈውን የፖለቲካ ፓርቲ በመምረጡ ምክንያት የተበሳጨው ወጣት ድርጊት ታዲያ መነጋገሪያ ሆኗል፤ ይህን ያደረገበትን ሌባ ጣቱን መቁረጡ ተነግሯል።

ወጣቱ በስህተት ድምፅ የሰጠውም ለገዥው ፓርቲ ባሃራቲያ ጃናታ (ቢጄፒ) ነው ተብሏል።

ምንጭ ፦ቢቢሲ

You might also like
Comments
Loading...