Fana: At a Speed of Life!

በሲሪላንካ ቤተክርስቲያናትና ሆቴሎች ላይ በተፈጸመ ጥቃት ህይተዋቸውው ያለፈ ሰዎች ቁጥር ከ200 በላይ ደርሷል

አዲስ አበባ፣ ሚያዚያ 13፣ 2011 (ኤፍ.ቢ.ሲ) በሲሪላንካ በአብያተ ክርስቲያናትና በሆቴሎች ላይ በተፈጸመ ጥቃት ከ200 በላይ ሰዎች ሕይወት አለፈ።

በአብያተ ክርስቲያናቱ የክርስትና እምነት የእምነቱ ተከታዮች የፋሲካ በዓል እያከበሩ ባሉበት ወቅት ጥቃቱ መድረሱም ተነግሯል፡፡

ከ200 በላይ ሰዎች ህይወት እንዳለፈበት በተነገረው በዚህ ጥቃት ሌሎች በመቶዎች የሚቆጠሩ ሰዎች ላይ የአካል ጉዳት ደርሷል ተብሏል፡፡

ኮችቺካዴ፣ ካቱዋፒቲያና ባቲካሉዋ የተባሉ ሶስት ቤተክርሲያናት እና ሆቴሎች የጥቃቱ ኢላማዎች ሲሆኑ፥ ስድስት የተቀነባበሩ የአጥፍቶ ማጥፋት ፍንዳታዎች መፈጸማቸውም ነው የተነገረው፡፡

የውጭ ጎብኝዎች የጥቃቱ ሰለባ ሳይሆኑ እንዳልቀሩም የተነገረ ሲሆን፥ የቻይና መገናኛ ብዙሃን ሟቾቹ ውስጥ ቻይናውያን ዜጎች እንደሚገኙበት አስታውቀዋል።

እስካሁን ለጥቃቱ ሃላፊነት የወሰድ አካል እንደሌለም ቢነገርም፤ ከሽብር ጥቃቱ ጋር በተያያዘ ሰባት ሰዎች በቁጥጥር ስር መዋላቸው ነው የተነገረው።

ምንጭ፦ ቢ.ቢ.ሲ

You might also like
Comments
Loading...