Fana: At a Speed of Life!

በሊቢያ በተቀሰቀሰው ግጭት የሟቾች ቁጥር 121 መድረሱን የዓለም ጤና ድርጅት ገለፀ

አዲስ አበባ፣ ሚያዚያ 7፣ 2011 (ኤፍ.ቢ.ሲ) በሊቢያ በተቀሰቀሰው ግጭት የሟቾች ቁጥር 121 መድረሱን የዓለም ጤና ድርጅት ገለፀ፡፡

መቀመጫውን ትሪፖሊ ባደረገውና በተባበሩት መንግስታት ድርጅት ድጋፍ የሚደረግለት የጠቅላይ ሚኒስትር ፋየዝ አል ሲራጅ አስተዳዳርና በጀኔራል ካሊፋ ኻፍታር ታማኝ ጦር መካከል በተቀሰቀሰው ግጭት ነው የሟቾች ቁጥር 121 የደረሰው።

ከሟቾቹ መካከል ቢያንስ ሶስት የጤና ሙያተኞችና ሁለት ዶክተሮች እንደሚገኙበት የተገለጸ ሲሆን፥ 561 ሰዎች ቆስለዋል ተብሏል፡፡

በሁለት ዙር የመድሃኒት፣ የህክምና መሳሪያዎችንና ሙያተኞችን ችግሩ ወደ ተከሰተበት አካባቢ መላኩን የዓለም ጤና ድርጅት አስታውቋል፡፡

ጀኔራል ካሊፋ ኻፍታር ከአውሮፓአዊያኑ ሚያዚያ 4 ቀን 2019 ጀምሮ ትሪፖሊን ለመቆጣጠር ዘመቻ ማወጃቸው ይነገራል፡፡

አብዛኛውን ምስራቅና ደቡብ ሊቢያ አካባቢዎችን በጀኔራል ካሊፋ ኻፍታር ታማኝ ጦር ቁጥጥር ስር መዋላቸውን ነው መረጃዎች የሚያመላክቱት፡፡

የጠቅላይ ሚኒስትር ፋየዝ አል ሲራጅ መንግስት የጄኔራል ካሊፋ ኻፍታር ጦር ወደ ትሪፖሊ የሚያደርገውን እንቀስቃሴ በመከላከል ላይ መሆኑም ነው የተገለጸው፡፡

የሁለቱ ተፋላሚ ሃይሎች ግጭት ግን ለንጹሃን ሞት አካል ጉዳትና መፈናቀል መንስኤ መሆኑን ዘገባው ያስረዳል፡፡

ምንጭ፡- ሲ ጂ ቲ ኤን

You might also like
Comments
Loading...