Fana: At a Speed of Life!

በሀሰተኛ አይፎን ስልክ አፕልን 1 ሚሊየን ዶላር ያጭበረበሩ ቻይናውያን ወጣቶች ተከሰዋል

አዲስ አበባ፣ ሚያዝያ 2፣ 2011 (ኤፍ.ቢ.ሲ) በአሜሪካ ትምህርታቸውን በመከታተል ላይ የሚገኙ ሁለት ቻይናውያን ወጣቶች አፕል ኩባንያን 1 ሚሊየን ዶላር አጭበርብራችኋል በሚል መከሰሳቸው ተሰምቷል።

ወጣቶቹ ወደ አፕል የተሰበረ ሀሰተኛ ስማርት ሰልክ በመላክ ትክክለኛውን ተቀብለዋል በሚል ነው ክስ የቀረበባቸው።

አፕል ኩባንያ አይፎን ስልካቸው ለተበላሸባቸው አሊያም ለተሰበራቸው ደንበኞች የተበላሸውን በመቀበል በሌላ አዲስ ተመሳሳይ አይፎን ስልክ እንደሚተካ ይታወቃል።

ታዲያ እነዚህ ቻይናውያን ወጣቶችም ይህንን የአፕል አሰራር በመጠቀም ነው ከአይፎን ስልኮች ጋር ተመሳስለው በተሰሩ ሀሰተኛ ስማርት ስልኮቸን ኩባንያውን ያጭበረበሩት ተብሏል።

ሁለቱ ቻይናውያን ወጣቶች ተበላሽቷል አሊያም ተሰብሯል በሚል ወደ አፕል ከላኩት የአይፎን ስማርት ሰልኮች ውስጥ ከግማሽ በላይ ሀሰተኛ መሆኑንም አፕል ኩባንያ አስታውቋል።

ሁለቱ ቻይናውያን ተማሪዎች አይፎን ስማርት ስልኮቹን ከቻይና በማስመጣት የሚቀይሩ ሲሆን፥ አዳዲሶቹንም ወደ ቻይና መልሰው በመላክ በውድ ዋጋ እንደሚሸጡ ነው የተነገረው።

አፕል ኩባንያ እንዳስታወቀው ሁለቱ ግለሰቦች ባቀረቧቸው ሀሰተኛ አይፎን ስልኮች ወደ 1 ሚሊየን ገደማ የአሜሪካ ዶላር ማጣቱን አስታውቋል።

ሁለቱ ቻይናውያን በበኩላቸው ስልኮቹ ሀሰተኛ ስለመሆናቸው የምናውቀው ነገር የለም ሲሉ ተናግረዋል።

ምንጭ፦ www.bbc.com

You might also like
Comments
Loading...