Fana: At a Speed of Life!

ቁርስ አለመመገብ የልብ ጤናን ይጎዳል

አዲስ አበባ፣ ሚያዚያ 17፣ 2011 (ኤፍ ቢ ሲ)ቁርስን በተደጋጋሚ የማይመገቡ ሰዎች ከልብ በሽታ ጋር ተያይዞ ለሚከሰት ሞት ተጋላጭ መሆናቸውን አንድ ጥናት ይፋ አደረገ፡፡

ባለፉት 20 ዓመታት 6 ሺህ 550 ሰዎች በተሳተፉበት ጥናት ቁርስ ከሚመገቡት የማይመገቡት ከልብ በሽታ ጋር ተያይዞ ለሚከሰት ሞት 87 በመቶ ያህል ተጋላጭ ናቸው ተብሏል፡፡

በተለይ ቁርስ በተደጋጋሚ የማይመገቡ ሰዎች  ለስትሮክ በከፍተኛ ሁኔታ እንደሚጋለጡ  ያመለከተው ጥናቱ ቁርስ የማይመመገቡ ከሚመገቡት አንፃር በሶስት አጥፍ ለስትሮክ ይጋለጣሉ፡፡

ቁርስ አለመመገብ ሰዎች በቀን ውስጥ የምግብ ፍላጎታቸው እንዲጨምር ምክንያት እንደሚሆን  የጥናቱ መሪ ዶክተር ዊኢ ባኦ  ተናግረዋል፡፡

ይህም ሰዎች ከመጠን በላይ እንዲመገቡ ምክንያት ሊሆን እንደሚችል የጥናት ቡድኑ ያስቀመጠ ሲሆን  በዚህም ሰዎች ከልክ ላለፈ ውፍረት ሊጋለጡ እንደሚችሉ ጠቁሟል፡፡

እንዲሁም ቁርስ ያለመመገብ ልማድ የሆርሞን ሂደት ላይ ተፅዕኖ በማድረግ ለደም ግፊት አንዲጋለጡ  እንደሚያደርግ ነው የተነገረው፡፡

በተጨማሪም  ቁርስን በተገቢው ሰዓት አለመመገብ  በሰውነት ውስጥ ባለው  ኮሌሳትሮል ላይ ችግር እንደሚፈጥር ነው የተጠቆመው፡፡

ከዚህ ባለፈ ቁርስን በአግባቡ መመገብ  ለልብ ጤና ከፍተኛ አስተዋፅኦ እንደሚኖረው ነው የተለያዩ ጥናቶች የሚያመላክቱት፡፡

ምንጭ፡- webmd

You might also like
Comments
Loading...