Fana: At a Speed of Life!

ሳዑዲ አረቢያ 37 ሰዎችን በሞት ቀጣች

አዲስ አበባ፣ ሚያዚያ 15፣ 2011 (ኤፍ.ቢ.ሲ) ሳዑዲ አረቢያ 37 ግለሰቦችን በሞት መቅጣቷ የሀገሪቱ የመንግስት መገናኛ ብዙሃን ዘግቧል።

ግለሰቦቹ በሞት የተቀጡት ከሽበርተኝነት ወንጀል ጋር ቀጥተኛ ግንኙነት አላቸው በሚል የተጠረጠሩ መሆኑን ሳዑዲ አረቢያ የሀገር ውስጥ ጉዳይ ሚኒስቴር አስታውቋል።

በሞት የተቀጡት 37ቱ ግለሰቦች የአክራሪነትና የሽብርተኝነት አመለካከትን በማስረፅ እና የአሸባሪ ህዋስ በመፍጠር የሀገሪቱን ደህንነት አደጋ ላይ ለመጣል ሞክረዋል በሚል ነው የተወነጀሉት።

ሀገሪቱ በዚህ የሽብር ወንጀል የጠረጠረቻቸውን ግለሰቦችም በዛሬው እለት በሞት መቅጣቷም ተነግሯል።

በሞት የተቀጡት 37 ግለሰቦች በሙሉ የሳዑዲ አረቢያ ዜጎች መሆናቸውም ነው የተነገረው።

ምንጭ፦ www.reuters.com

You might also like
Comments
Loading...