Fana: At a Speed of Life!

ሳምሰንግ ባለታጣፊ ስክሪን ስማርት ስልኩን ገበያ ላይ ማዋሉን ላልተወሰነ ጊዜ አራዘመ

አዲስ አበባ፣ ሚያዚያ 15፣ 2011 (ኤፍ.ቢ.ሲ) ሳምሰንግ ጋላክሲ ኩባንያ አዲሱን ባለታጣፊ ስክሪን ስማርት የእጅ ስልክ ገበያ ላይ ማዋሉን ላልተወሰነ ጊዜ አራዘመ ፡፡

ሳምሰንግ ጋላክሲ ኩባንያ አዲሱን ባለታጣፊ ስክሪን ስማርት ስልክ ገበያ ላይ ማዋሉን ላልተወሰነ ጊዜ ያራዘመው የኩባንያው ምርት ገምጋሚዎች ታጣፊ ስክሪኖች በቀላሉ ተሰባሪ እንደሆኑ አስተያየት መስጠታቸውን ተከትሎ ነው፡፡

ባለታጣፊ ስክሪን ስማርት ስልክ በዚህ ወር የተጠቀሙ የኩባንያው ምርት ገምጋሚዎች ስልኩን መጠቀም በጀመሩ በጥቂት ቀናት ስክሪናቸው  መሰበሩን ገልጸዋል፡፡

ይህንንም ተከትሎ በአዲሱ ምርት ላይ የቀረቡ አስተያየቶችን ለመመርመርና ሌሎች ውስጣዊ ሁኔታዎች ላይ ፍተሻዎችን ለማድረግ ኩባንያው ላልተወሰነ ጊዜ ምርቱን ገበያ ላይ ማዋሉን ማራዘሙን ገልጿል፡፡

ኩባንያው ምርቱን ለገበያ ይፋ የሚዲርግበትን ቀን በሚቀጥሉት ሳምንታት ይፋ ያደርጋል ተብሎ እንደሚጠበቅ ነው ዘገባው የሚያመለክተው፡፡

ሳምሰንግ ኩባንያ አዲሱን ባለታጣፊ ስክሪን ስማርት የእጅ ስልክ በዚህ ሳምንት በሆንግ ኮንግና ሻንጋይ ይፋ የማድረግ እቅድ እንደነበረውም ነው የተገለጸው፡፡

ምንጭ፡- ቢ ቢ ሲ

You might also like
Comments
Loading...