Fana: At a Speed of Life!

ሱዳናውያን የሰዓት እላፊውን ተቃወሙ

አዲስ አበባ፣ ሚያዚያ 4፣ 2011 (ኤፍ.ቢ.ሲ) የሱዳን ተቃዋሚዎች በወታደራዊ ምክር ቤቱ በሀገሪቱ የተጣለውን የሰዓት እላፊ ገደብ መቃወማቸው እየተነገረ ነው።

የሱዳን ወታደራዊ ምክር ቤት በትናንትናው ዕለት ፕሬዚዳንት ኦማር ሃሰን አልበሽርን ከስልጣን ካወረደ በኋላ ስልጣን በመቆጣጠር ለሶስት ወራት የሚቆይ የአስቸኳይ ጊዜ አዋጅ ማወጁን ይፋ አድርጓል፡፡

ከዚህ ጋር ተያይዞም በሀገሪቱ የሰዓት እላፊ ገደብ ማስቀመጡንም አስታውቋል፡፡

ይሁን እንጅ ሰልፈኞቹ የሰዓት እላፊ ገደቡን በመተላለፍ ትናንት ምሽቱን በካርቱም ጎዳናዎች ላይ ማሳለፋቸው ነው የተገለጸው፡፡

ሰልፈኞቹ አሁን ላይ በሀገሪቱ የተቋቋመው ወታደራዊ ምክር ቤት የፕሬዚዳንት ኦማር ሃሰን አልበሽር አስተዳደር አካል መሆኑን ሲገልጹም አምሽተዋል።

የተባበሩት መንግስታት ድርጅትና የአፍሪካ ህብረት ሰልፈኞችም ይሁኑ የፀጥታ ሃይሎቹ ከሀይል እርምጃ እንዲቆጠቡ ጥሪ አቅርበዋል።

ምንጭ፡- ቢ ቢ ሲ

You might also like
Comments
Loading...