Fana: At a Speed of Life!

ማንቼስተር ሲቲ ቶተንሃምን በማሸነፍ መሪነቱን አስጠብቋል

አዲስ አበባ ፣ ሚያዚያ 12 ፣ 2011 (ኤፍ ቢ ሲ) የእንግሊዝ ፕሪሚየር ሊግ 34ኛ ሳምንት መርሃ ግብር ጨዋታዎች ዛሬ ተከናውነዋል።

ቀትር ላይ ቶተንሃም ሆትስፐርስን ያስተናገደው ማንቼስተር ሲቲ 1 ለ 0 በማሸነፍ ለዋንጫ የሚያደርገውን ግስጋሴ አጠናክሮ ቀጥሏል።

ወጣቱ ፎደን የፔፕ ጋርዲዮላውን ቡድን የዋንጫ ግስጋሴ ያጠናከረችውን የማሸነፊያ ጎል አስቆጥሯል።

በሌሎች ጨዋታዎች ደግሞ ከፕሪሚየር ሊጉ መውረዱን ያረጋገጠው ፉልሃም ከሜዳው ውጭ

ከሜዳው ውጭ ከሃድስፊልድ የተጫወተው ዋትፎርድ ደግሞ በጀራርድ ዲውሎፊው ሁለት ጎሎች 2 ለ 1 ማሸነፍ ችሏል፤ ግራንት ለሃድስፊልድ ማስተዛዘኛዋን አስቆጥሯል።

በሜዳው ሌሲስተርን ያስተናገደው ዌስትሃም ዩናይትድ ደግሞ 2 ለ 2 በሆነ ውጤት ጨዋታውን አጠናቋል፤ አንቶኒዮና ፔሬዝ ለዌስትሃም ጂሚ ቫርዲ እና ባርነስ በጭማሪ ሰዓት ለሌሲስተር ጎሎቹን አስቆጥረዋል።

ብራይተንን ያስተናገደው ወልቭስ ደግሞ ጨዋታውን ያለምንም ጎል በአቻ ውጤት አጠናቋል።

ፕሪሚየር ሊጉን ማንቼስተር ሲቲ በ86 ነጥብ ሲመራ ሊቨርፑል በ85 ይከተላል፤ ቀሪዎቹ አራት ጨዋታዎችም የዋንጫውን መዳረሻ ይወስናሉ።

ቶተንሃም ሆትስፐርስ፣ አርሰናል፣ ቼልሲና ማንቼስተር ዩናይትድ ደግሞ የቀጣዩን አመት የቻምፒየንስ ሊግ ተሳትፎ ለማረጋገጥ ከባድ ፍልሚያ ያደርጋሉ።

ሃድስፊልድ እና ፉልሃም ከፕሪሚየር ሊጉ መውረዳቸውን አረጋግጠዋል ቀሪው አንድ ቡድን ደግሞ በቀጣዮቹ ሳምንታት ይታወቃል።

You might also like
Comments
Loading...