Fana: At a Speed of Life!

መንገድ አጽድቶ ከሚያገኘው አነስተኛ ገቢ አብዛኛውን ለችግረኛ ህፃናት የሚለግሰው ግለሰብ

አዲስ አበባ፣ ሚያዚያ 9፣ 2011 (ኤፍ.ቢ.ሲ) በመንገድ ጽዳት ስራ የሚተዳደረው የ58 ዓመቱ ቻይናዊ በሚያደርገው በጎ ተግባር ከበርካቶች ዘንድ አድናቆተን እያገኘ ነው።

በቻይናዋ ሊያኖንግ ግዛት ሼያንግ ነዋሪ የሆነው ዛሆ የተባለው ግለሰብ በከተማዋ መንገድ በማጽዳት በሚያገኘው 2 ሺህ የቻይና ዩዋን ነው ኑሮውን የሚደጉመው።

ከቤተሰቦቹ ጋር በአነስተኛ ቤት ውስጥ የሚኖረው ግለሰቡ ላለፉት 30 ዓመታት አዲስ ልብስ ገዝቶ አያውቅም የተባለ ሲሆን፥ አመጋገቡም በቀላል ዋጋ የሚገኘው በአካባቢው መጠሪያ ኑድል ተብሎ የሚጠራ ምግብ ነው።

ታዲያ ግለሰቡ ይህንን የሚያደርገው በየወሩ ጎዳናዎችን አፅድቶ የሚያገኘውን ገቢ አብዛኛውን ለበጎ ተግባር ስለሚያውል ነው።

በዚህ በጎ ተግባሩም ዛሆ ላለፉት 30 ዓመታት በየወሩ ከሚያገኘው ገቢ ላይ አብዛኛውን ወላጆቻቸውን ላጡ እና ለችግረኛ ህፃናት ሲለግስ ቆይታል።

በዚህ ተግባሩም  ባለፉት 30 ዓመታት ከሚያገኘው 2 ሺህ ዩዋን ወይም 300 የአሜሪካ ዶላር ከ180 ሺህ የቻይና ዩዋን ወይም ከ27 ሺህ የአሜሪካ ዶላር በላይ ለችግረኛ ህፃናት ድጋፍ ማድረጉም ተነግሯል።

ዛሆ ይናገራል “በልጅነቴ የሚደግፈኝ ሰው ባላገኝ ኖሮ እዚህ አልደርስም ነበር፤ ስለዚህ ችግረኛ ህፃናቱን በማገዝ ያሰቡበት ቦታ እንዲደርሱ የበኩሌን እወጣለሁ” ብሏል።

ምንጭ፦ www.odditycentral.com

You might also like
Comments
Loading...