Fana: At a Speed of Life!

መስማት በተሳናት ታዳጊ ላይ የተደረገ የአዕምሮ ቀዶ ህክምና ውጤት ማስገኘቱ ተገለጸ

አዲስ አበባ፣ ሚያዚያ 15፣ 2011 (ኤፍ.ቢ.ሲ) በምስራቅ ለንደን ነዋሪ የሆነችው ሊያ የተባለች መስማት የተሳናት ታዳጊ ላይ የተደረገ ከፍተኛ የአዕምሮ ቀዶ ህክምና ውጤት ማስገኘቱ ተገለጸ፡፡

ሊያ ውስጣዊ የጆሮ ክፍሎችና ለመስማት የሚያስችል ነርብ ሳይኖራት ይሕችን ዓለም መቀላቀሏ ተነግሯል፡፡

በዚህም የታዳጊዋ የመስማት ችግር በአጋዥ ቴክኖሎጂ ውጤቶች ለማስተካከል አስቸጋሪ ሆኖ መቆየቱም ነው የተገለጸው፡፡

ሊያ እስከ ሁለት ዓመቷ ድረስ ምንም ድምጽ መስማት ሳትችል መቆየቷን ቤተሰቦቿ ይናገራሉ፡፡

በአካባቢዋ ቦምብ ቢፈነዳ እንኳ መስማት በማትችለው ሊያ ላይ የለንደን ሃኪሞች ባደረጉት ከፍተኛ የአዕምሮ ቀዶ ጥገና ግን ታዳጊዋ ከቤተሰቦቿ ጋር መግባባትና መነጋገር መቻሏ ተገልጿል፡፡

ውስጣዊ የጆሮ ክፍልና የነርብ ንቅለ ተከላ የተደረገላት ሊያ ከረጅም ጊዜ ልምምድ በኋላ ቤተሰቦቿን እወዳችሁአለሁ ማለቷም ነው የተነገረው፡፡

ሊያ አሁን ላይ የ7 ዓመት ታዳጊ ስትሆን የጤና ሁኔታዋ ከዕለት ወደ አለት መሻሻሎችን እያሳየ መጥቷል ተብሏል፡፡

የታዳጊዋን ወላጆች ከፍተኛ ውሳኔ እንደጠየቀ የተነገረለት ቀዶ ህክምናው በብሪታኒያ ብሔራዊ ጤና አገልግሎት የታዳጊዋን ህይወት የቀየረና ውጤታማ መሆኑ ተነግሯል፡፡

ምንጭ፡- ቢ ቢ ሲ

You might also like
Comments
Loading...