Fana: At a Speed of Life!

ሊቀ ጳጳስ አቡነ ፍራንሲስ ከደቡብ ሱዳን መሪዎች እግር ስር ተንበርክከው ሰላም እንዲያወርዱ ጠየቁ

አዲስ አበባ፣ ሚያዝያ 4፣ 2011 (ኤፍ.ቢ.ሲ) የሮማ ካቶሊክ ቤተ ክርስቲያን ሊቀ ጳጳስ አቡነ ፍራንሲስ ከደቡብ ሱዳኑ ፕሬዚዳንት ሳልቫ ኪር እና ከተቃዋሚ መሪው ሪክ ማቻር እግር ስር ተንበርክከው በሀገሪቱ ሰላምን እንዲያሰፍኑ ጠየቁ፡፡

ሁለቱ መሪዎች የተገኙበትና ሊቀ ጳጳስ አቡነ ፍራንሲስ የመሩት መንፈሳዊ የእርቅ ስነ ስርዓት በቫቲካን ተካሂዷል፡፡

በዚህ ስነ ስርዓት ላይም ሊቀ ጳጳስ አቡነ ፍራንሲስ የሁለቱን መሪዎች ጫማ በመሳም በደቡብ ሱዳን በአስቸኳይ ሰላም እንዲደሰፍን ጠይቀዋል፡፡

ሊቀ ጳጳሱ ከመሪዎቹ እግር ስር በመንበርከክ ያቀረቡት ጥያቄ ከልብ የመነጨ መሆኑንም ተናግረዋል፡፡

አቡነ ፍራንሲስ ይህንን ሲያደርጉ አቅም አንሷቸው እንደነበረ እና በሰዎች እየተደገፉ ከተንበረከኩበት ሲነሱም ተስተውለዋል ነው የተባለው።

በፈረንጆቹ 2011 ከሱዳን ነጻነቷን በማግኘት አዲስ ሀገር በመሆን አለምን የተቀላቀለችው ደቡብ ሱዳን ከ2013 ጀምሮ በእርስ በርስ ጦርነት ውስጥ ትገኛለች፡፡

በዚህ ሳቢያም ከ400 ሺህ በላይ ዜጎች ህይወታቸውን ሲያጡ በሚሊየን የሚቆጠሩት ደግሞ የስደትን ፅዋ መጎንጨት ግድ ብሏቸዋል፡፡ ምንጭ፡-

ኒውዮርክ ታይምስ

You might also like
Comments
Loading...