Fana: At a Speed of Life!

ለ27 ዓመታት ራሷን ስታ የነበረችው ሴት ነቃች

አዲስ አበባ፣ ሚያዚያ 16፣ 2011 (ኤፍ.ቢ.ሲ) በደረሰባት የትራፊክ አደጋ ምክንያት ለ27 ዓመታት ራሷን ስታ የነበረችው የተባበሩት አረብ ኢሚሬትስ ነዋሪዋ ሴት መንቃቷ ተነግሯል።

ሙኒራ አድበላህ የተባለቸው ግለሰቧ እንደ አውሮፓውያኑ አቆጣጠር በ1991 በደረሰባት የትራፊክ አደጋ ነበር ራሷን ስታ ሆስፒታል የገባቸው።

ግለሰቧ አደጋው በደረሰባት ወቅት እድሜዋ 32 ዓመት እንደነበረም በአደጋው ወቅት ከጎና የነበረው ልጇ ኦማር ወቢርን ተናግሯል።

የትራፊክ አደጋውን እንደሚያስታወስ የተናገረው ልጇ በወቅቱ የ4 ዓመት ታዳጊ አንደነበር እና እናቱ እሱን ከአደጋ ለመከላከል ስትል ይህንን ሁሉ ጉዳት ማስተናገዷን ገልጿል።

ለ27 ዓመታት ያክል ራሷን በመሳቷ የሆስፒታል አልጋ ላይ ለመቆየት የተገደደችው እናት ሙኒራ ከቅርብ ጊዜ ወዲህ ግን ያልተለመደ ድምጽ ማሰማት ትጀምራለች።

በወቅቱም ዶክተሮች ምርመራ አድርገውባት ምንም አዲስ ነገር አንዳልተፈጠረ ለልጇ ነግረዋት ነበር።

“ከሶስት ቀን በኋላ ግን የሆነ ሰው ስሜን እየጠራ ከእንቅልፌ ነቃሁ” ያለው ልጇ፥ ስሙን ስትጠራ የነበረችው እናቱ እንደሆችም ይረዳል።

በጊዜው ለዓመታት ሲያልም የነበረው እውን በመሆኑ እና ከ27 ዓመታት በኋላ ስትነቃም መጀመሪያ ከአፏ ያወጣችው ቃል የእሱን ስም በመሆኑ በጣም አንዳስደሰተው አስታውቋል።

በአሁኑ ወቅትም በጥሩ ሁኔታ እየነቃች መሆኗን እና ከሰዎች ጋር ንግግር መጀመሯንም ነው ልጇ ኦማር የተናገረው።

ምንጭ፦ ቢቢሲ

You might also like
Comments
Loading...