Fana: At a Speed of Life!

ለ106 ሰዓታት ያለማቋረጥ ሙዚቃ የተጫወተው አርቲስት ስሙን በዓለም የድንቃ ድንቅ መዝገብ ላይ ማስፈር አልቻለም

አዲስ አበባ፣ ሚያዚያ 4፣ 2011 (ኤፍ.ቢ.ሲ)ለ106 ሰዓታት ያለማቋረጥ ሙዚቃ የተጫወተው አርቲስት ስሙን በዓለም የድንቃ ድንቅ መዝገብ ላይ ማስፈር አልቻለም።

ሰዎች በዓለም የድንቃ ድንቅ መዝገብ ውስጥ ስማቸውን ለማስፈር የሰው ልጅ በቀላሉ ሊከውናቸው የማይችሉና ያልተለመዱ ድርጊቶችን ሲፈፅሙ ማስተዋል የተለመደ ክስተት ሆኗል።

ካርሎስ ሲልቨር የተባለው ታዋቂ አርቲስትም በዓለም ረጅም ስዓት በማቀንቀን የተያዘውን ክብረ ወሰን ለመስበር 106 ስዓታትን ያለማቋረጥ ሙዚቃ መጫወቱ ተገልጿል።

አርቲስቱ ለ106 ሰዓታት ባከናወነው ጨዋታም 5 ሺህ የሚሆኑ ዜማዎችን በተከታታይ ማዜሙ ነው የተነገረው።

ይሁን እንጅ የዓለም ድንቃድንቅ መዝገብ የአርቲስቱን ሙከራ ውድቅ ማድረጉ ተሰምቷል።

ድርጅቱ ሙከራውን ውድቅ ያደረገው አርቲስቱ ሙዚቃውን በሚጫወትበት ጊዜ የዓለም የድንቃ ድንቅ መዝገብን ህግ ጥሶ በመገኘቱ ነው ተብሏል።

የዓለም ድንቃ ድንቅ መዝገብ ድርጅት በዚህ ዘርፍ ክብረ ወሰን ለመስበር የሚወዳደሩ ግለሰቦች ሙዚቃ በሚጫወቱበት ጊዜ ከአንዱ ዜማ ወደ ሌላኛው ለመሸጋገር የተሰጠው ጊዜ 30 ሰከንድ ብቻ ነው።

ይሁን እንጅ አርቲስት ካርሎስ ሲልቨር ሙዚቃ በሚጫወትበት ጊዜ ከአንዱ ወደ ሌላኛው ለመሸጋገር ሁለት ደቂቃ ያክል መጠቀሙን ድርጅቱ አረጋግጧል።

ስለሆነም ካርሎስ ሲልቨር እንደ አውሮፓውያኑ አቆጣጠር 2016 ላይ በህንዳዊው አርቲስት ተይዞ የነበረውን 105 ስዓታት ያለማቋረጥ ሙዚቃ የመጫወት ክብረ ወሰን ለመስበር ሳይችል ቀርቷል።

ምንጭ ፦ኦዲቲ ሴንትራል

You might also like
Comments
Loading...