Fana: At a Speed of Life!

ሁዋዌ ኩባንያ በብሪታኒያ እንዲሰመራ ፍቃድ ሊሰጠው ነው

አዲስ አበባ፣ ሚያዚያ 17፣ 2011 (ኤፍ ቢ ሲ) የቻይናው ኩባንያ ሁዋዌ በአምስተኛ ዘመን ኔትወርክ (5ጂ ኔትወርክ) ግንባታ ላይ ከተወሰነ ገደብ ጋር በብሪታኒያ እንዲሰማራ ፍቃድ ሊሰጠው ነው፡፡

ይህ የብሪታኒያ እርምጃ የቴሌኮም ምርቶቹን በመጠቀም ለቻይና ይሰልላል በማለት ያገደቸውን አሜሪካ ሊያስከፋ ይችላል ነው የተባለው፡፡

እንዲሁም ባለፈው አመት የሁዋዌ 5ጂ ኔትወርክ በሀገሯ ጥቅም ላይ እንዳይወል ካገደችው አውስትራሊያ ጋር ብርታኒያ ከፍ ያለ ቅራኔ ውስጥ ልትገባ ትችላለች ተብሏል፡፡

የሀገሪቱ ወሳኝ የመሰረተ ልማት ዘርፎች ማለትም ከሀይል ማከፋፋያ ጣቢያ እስከ ዘመናዊ የትራንስፖርት ዘርፎች በ5ጂ ወይንም  የቀጣይ ዘመን የኮሙኒኬሽን  ቴክኖሎጂን መጠቀም የግድ በመሆኑ ከፍተኛ የድህነነት ባለስልጣናት በጉዳዩ ዙሪያ ትኩረት እንዳደረጉበት ተነግሯል፡፡

የብሪታኒያ ጠቅላይ ሚኒስትር ቴሬሳ ሜይ ሁዋዌ በሀገራቸው እንዲሰማራ ፍላጎት ቢኖራቸውም በቻይና ሊፈፀም ስለሚችል የሳይበር ጥቃት ትኩረት ሳይሰጡ ቀርተዋል ማለት እንዳልሆነ ነው የተነገረው፡፡

ሁዋዌ  የሚያመርታቸውን የቴሌኮም መሳሪያዎች አለመጠቀም  ሊከሰት  የሚችሉ አደጋዎችን ለመቆጣጠር ይረዳል የሚል እምነት እንዳላቸው ነው የሚነገረው፡፡

ምንጭ፡- ቢቢሲ

You might also like
Comments
Loading...