Fana: At a Speed of Life!

447 ኢትዮጵያውያን ከሳዑዲ አረቢያ ተመለሱ

አዲስ አበባ፣ መጋቢት 4፣ 2011 (ኤፍ.ቢ.ሲ) በዛሬ ዕለት 447 ኢትዮጵያውያን ከሳዑዲ አረቢያ መመለሳቸው ተገለጸ።

ከስደት ተመላሾቹ አዲስ አበባ ቦሌ ዓለም አቀፍ አውሮፕላን ማሪፊያ ሲደርሱ የውጭ ጉዳይ ሚኒስቴር የቆንስላ ጉዳዮች ዳይሬክተር ጄኔራል አቶ ዮሃንስ ሾዴ እና የዓለም አቀፉ የፍልሰተኞች ድርጅት ተወካዮች ተገኝተው አቀባበል አድርገውላቸዋል።

ከ447ቱ ተመላሾች ውስጥ 387ቱ ሴቶች መሆናቸውን የውጭ ጉዳይ ሚኒስቴር አስታውቋል።

የኢፌዲሪ የውጭ ጉዳይ ሚኒስቴር ጅዳ በሚገኘው ቆንስላ ጽህፈት ቤቱ በኩል ከሳዑዲ አረቢያ መንግስትና ከዓለም አቀፉ የፍልሰተኞች ድርጅት ጋር በመተባበር ነው ዛሬ ሊገቡ የቻሉት ተብሏል።

ከስደት ተመላሾቹ በሳዑዲ ያለመኖሪያ ፈቃድ ይኖሩ እንድነበርና በራሳቸው ፈቃድ መመለሳቸውንም ከውጭ ጉዳይ ሚኒስቴር ጽህፈት ቤት ያገኘነው መረጃ ያመለክታል።

You might also like
Comments
Loading...