Fana: At a Speed of Life!

ለ2 ደቂቃ በማርፈዱ ከትናንቱ የአውሮፕላን አደጋ የተረፈው ግሪካዊ

አዲስ አበባ፣ መጋቢት 2፣ 2011 (ኤፍ.ቢ.ሲ) በትናትናው አደጋ በርካታ አሳዛኝ ክስተቶች ተሰምተዋል እንዲሁም 150ኛ ሆኖ ለመብረር የተመዘገበ አንድ ግሪካዊ ደግሞ በማርፈዱ ምክንያ ከአደጋው ሊተርፍ ችሏል።

ግሪካዊው ግለሰብ አውሮፕላኑ ከተነሳ ከሁለት ደቂቃዎች በኋላ ነበር ቦሌ አውሮፕላን ማረፊያ የደረሰው።

አንቶኒስ ማቭሮፖልስ የተባበሩት መንግስታት የአካባቢ ጥበቃ ባዘጋጀው የኬንያው ጉባዔ ላይ ለመታደም ነበር ትኬት የቆረጠው።

ሆኖም ትረፊ ያላት ነፍስ እንደሚሉት መግቢያውን በር ማግኘት ባለመቻሌ ምክንያት ሁለት ደቂቃ ዘገየሁ ብሏል።

አንቶኒስ ቦይንግ 737 ማክስ 8 እንደአጋጣሚ ባለመሳፈሩ ብቻ ብቸኛው በህይወት የተረፈ ሰው ሊሆን ችሏል።

በወቅቱም በኤርፖርት ውስጥ ወዳለው ፖሊስ ጣቢያ መወሰዱን ገልጾ ማንነቴንም አጣርተዋል ብሏል።

ሁኔታውንም በተመለከተ ስለጉዳዩ ከተገለጸለት በኋላ ከአደጋው ብቸኛው የተረፈ ሰው መሆኑን እንደተነገረው አንቶኒስ ተናግሯል።

በዚህ የ32 ሀገራት ሰዎች በሞቱበት አደጋ በመትረፌ እጅግ እድለኛ ነኝ ሲል ማህበራዊ ገጹ ላይ አስፍሯል።

በአደጋው 18 ኢትዮጵያውያንን ጨምሮ 32 ኬንያውያን፣ 18 ካናዳዊያን፣8 ጣልያውያን፣ 8 ቻይናዊያን፣ 8 አሜሪካውያን፣ 7 እንግሊዛውያን፣ 7 ፈረንሳውያን፣ 6 ግብፃውያን፣ 5 ጀርመናውያን፣ 4 ህንዳውያን፣ 4 የስሎቫኪያ ዜጎች፣ 3 የኦስትሪያውያን፣ 3 ስዊድናውያን፣ 3 ራሻውያን ከሟቾቹ መካከል ሲሆን  2 የሞሮኮ፣ 2 የስፔናውያን፣ 2 ፖላንዳውያን፣ 2 እስራኤላውያን ዜጎችም ይገኙበታል።

እንዲሁም የቤልጄም፣ ኢንዶነዌዥያ፣ ኡጋንዳ፣ የመን፣ ሱዳን፣ ሰርቢያ፣ ቶጎ፣ ሞዛንቢክ፣  ሩዋንዳ፣ ሶማሊያ፣ ኖርዌይ፣ ጅቡቲ፣ አየርላንድ፣ ሳኡዲ፣ ኔፓል፣ ናይጄሪያ፣ የተባበሩት መንግስታት ድርጅት ፓስፖርት የያዙ እያንዳንዳቸው አንድ አንድ ዜጎቻቸውን በአደጋው ማጣታቸው ታውቋል፡፡

የተባበሩት መንግስታት አደጋውን ተከትሎ በሰጠው መረጃ ላይ 19 በተለያዩ ተቋማቱ ውስጥ የሚሰሩ ሰራተኞቹ እንዳሉበት አስታውቋል።

በትክክል ቁጥራቸው ባይታወቅም በርካቶች ዛሬ በናይሮቢ እየተካሄደ በሚገኘው የአካባቢ ጥበቃ ፕሮግራም ጉባዔ ላይ ለመታደም ወደዚያ የሚያቀኑ እንደነበር ተገልጿል።

 

 

You might also like
Comments
Loading...