Fana: At a Speed of Life!

ፕሬዚዳንት ማክሮን በኢትዮጵያ ያደረጉትን ይፋዊ የስራ ጉብኝት አጠናቀቁ

አዲስ አበባ፣ መጋቢት 4፣ 2011 (ኤፍ.ቢ.ሲ) የፈረንሳዩ ፕሬዚዳንት ኢማኑኤል ማክሮን በኢትዮጵያ

ያደረጉትን ይፋዊ የስራ ጉብኝት አጠናቀቁ፡፡

በትናንትናው ዕለት ለይፋዊ የስራ ጉብኝት ወደ ኢትዮጵያ የመጡት ኢማኑኤል ማክሮን ጉብኝታቸውን በማጠናቀቅ በዛሬው ዕለት  ወደ ናይሮቢ አቅንተዋል።

ጉብኝታቸውን ሲያጠናቅቁም ጠቅላይ ሚኒስትር ዶክተር አብይ አህመድ እና ከፍተኛ የመንግስት ባለስልጣናት ቦሌ ዓለም አቀፍ አውሮፕላን ማረፊያ በመገኘት  አሸኛኘት አድርገውላቸዋል።

ፕሬዚዳንቱ በኢትዮጵያ በነበራቸው ቆይታ የላሊበላ ውቅር አብያተ ክርስቲያናትን ጎብኝተዋል።

በላሊበላ የነበራቸውን ጉብኝት ካጠናነቀቁ በኋላም በአዲስ አበባ ከፕሬዚዳንት ሳህለወርቅ ዘውዴ እና ጠቅላይ ሚኒስትር ዶክተር አብይ አህመድ ጋር በሁለትዮሽና ዓለም አቀፍ ጉዳዮች ዙሪያ የተናጥል ውይይት አድርገዋል።

በዚህም በሁለቱ ሀገሮች መካካል የመከላከያ ትብብር ስምምነት እና የኢንቨስትመንት ማስፋፋያ የመግባቢያ ስምምነት ተፈራርመዋል ።

በተጨማሪም በኢትዮጵያ እየተካሄደ ላለው የኢኮኖሚ ትራንስፎርሜሽን የሚያግዝ የፋይናንስ ድጋፍ እንዲሁም የቅርስ ጥበቃ ትብብር ስምምነት መፈረሙ የሚታወስ ነው፡፡

እንዲሁም ፕሬዚዳንት ማክሮን ዛሬ ጧት ከአፍሪካ ህብረት ኮሚሽን ሊቀመንበር ሙሳ ፋኪ ማህመት ጋር ውይይት ማድረጋቸውን ከውጭ ጉዳይ ሚኒስቴር ያገኘነው መረጃ ያመለክታል፡፡

 

You might also like
Comments
Loading...