Fana: At a Speed of Life!

ጾም እና ጥቅሞቹ

አዲስ አበባ፣ የካቲት 27፣ 2011 (ኤፍ.ቢ.ሲ) ለተወሰነ ሰዓት ከምግብና ከመጠጥች ዘሮች መራቅ ወይም መጾም ከሀይማኖታዊ ጥቅሙ በዘለለ በርካታ የጤና ጠቀሜታዎች እንዳሉት ጥናቶች ያመለክታሉ።

ቢያንስ በሳምንት ውስጥ ለሁለት ቀናት መጾም ከጉዳቱ ጥቅሙ ያመዝናል ይላል ጥናቱ።

መጾም የሚያስገኛቸው የጤና በረከቶች ውስጥም ክብደትን ለመቀነስ፣ በደማችን ውስጥ ያለውን የስኳር መጠን ለመቆጣጣር፣ ለልብ ጤንነት፣ አዕምሯችን በአግባቡ ስራውን እንዲከውን ማድረግ እና የካንሰር ተጋላጭነትን መከላከል ተጠቃሽ ናቸው።

መጾም የሚያስገኛቸውን የጤና ጠቀሜታዎች በዝርዝር እንመልከት፦

 

1. የምግብ መፈጨት ስርዓታችን እንዲስተካከል ይረዳል

ጾመ የምግብ መፈጨት ስርዓታችን እረፍት እንዲኖረው በማደረግ የተረጋጋ እና ጤነኛ የምግብ ዝውውር እንዲኖር ያደርጋል። የምግብ መፈጨት ስርዓታችን መስተካከልም በሰውነታችን ውስጥ ያለን የስብ መጠን ለማቃጠል ይረዳናል።

2.ትክክለኛው የረሃብ ስሜት እንድንለይ ያግዛል

መጾም የሰውነታችን ሆርሞኖች የተስተካከሉ እንዲሆኑ በማድረግ ትክክለኛውን የረሃብ ስሜት እንድንለይ ያደርገናል።

3. የጠራ የሰውነት ቆዳ እንዲኖረን ያደርጋል

ጾም ሰውነታችንን ከምግብ መፍጨት ስራው ነጻ ስለሚያደረግ ሆርሞኖቻችን ወደ ሌሎች ስራዎች ይገባሉ።

ለአንድ ቀን ምግብ አለመመገብ ሰውነታችን በውስጡ ያሉትን መርዛማ ንጥረ ነገሮችን እንዲያጸዳ እድል የሚሰጥ ሲሆን፥ በዚህ ጊዜም ኩላሊታችን፣ ጉበታችን፣ ቆዳችን እንዲሁም ሌሎች የሰውነታችን ክፍሎች ተግባራቸውን በአግባቡ እንዲከውኑ ያግዛል።

4. የአዕምሯችን የማሰብ አቅም ይጨምራል

ጾም አእምሯችን ብሬይን ድራይቭድ ኔውሮትሮፊክ ፋክተር የሚባል ፕሮቲን እንዲያመርት ይረዳዋል። ይህም አእምሯችን ጤነኛ እንዲሆን ያደርጋል።
በተጨማሪም ፕሮቲኑ ከአእምሮ ጋር ተያያዥነት ያላቸው እንደ አልዛይመር እና ፓረኪሰንሰ በሽታዎችን ይከላከላል።

5. የሰውነት ክብደትን ለመቀነስ ይረዳል

አልፎ አልፎ መጾም የሰውነታችንን ክብደት ለመቀነስ እንደሚረዳ ጥናቶች ያመለክታሉ።

ለተወሰነ ስአት ከምግብ መራቅ ሰውነታችን ውስጥ ያለው የስብ መጠን እንዲቃጠል በማድረግ ክብደት ለመቀነስ ይረዳል።

6. ጥንካሬ እንዲኖረን ያደርጋል

መጾም የሰውነታችንን ጥንካሬ እንደሚቀንስ ነው በዙዎቻችን የምናስበው። ይሁን እንጂ ጥናቶች የሚያሳዩት የዚህን ተቃራኒ ነው።

ትንሽ መብላት የመኖር እድሜያችንን ለመጨመር ፋይዳው ትልቅ መሆኑም ነው የሚነገረው።

7. በሽታ የመከላከል አቅምን ይጨምራል

መጾም ሰውነታችን በሽታ የመከላከል አቅሙን እንዲጨምር ይረዳል። ይህም በሽታ አምጪ ነገሮችን እንዲሁም ካንሰር አምጬ ሴሎች በውስጣችን እንዳያድጉ ያደርጋል።

ጥናቱ ላይ እንደተገለጸው እንስሳት በተፈጥሮ በሚያማቸው ጊዜ ምግብ ከመፈለግ ይልቅ ራሳቸውን ከምግብ በማራቅ እረፍት ይወስዳሉ። ይህም ሰውነታቸው በቀላሉ በሽታን ለመከላከል ይረዳቸዋል።

በተቃራኒው በህመም ወቅት ምግብ ለማግኘት የምንሯሯጠው ብቸኞቹ ፍጡሮች የሰው ልጆች ነን ይላል ጥናቱ።

ምንጭ፦ www.healthline.com

You might also like
Comments
Loading...