Fana: At a Speed of Life!

የአፍ ውስጥ ጤናን ለመጠበቅ…

አዲስ አበባ፣ መጋቢት 18፣ 2011 (ኤፍ.ቢ.ሲ) የአፍ ውስጥ በሽታዎች እንደ ጥርስ መበስበስና የድድ በሽታ በሰፊው የሚከሰት ቢሆንም መከላከል ይቻላል፡፡

በተገቢው የራስ አገዝ ግልጋሎት፣ መደበኛ የጥርስ ምርመራ እና አጋላጭ ሁኔታዎችን በመከላከል፣ ጥሩ የአፍ እና አጠቃላይ ጤንነት ሊጠበቁ ይችላሉ፡፡

  • በየቀኑ በቀን ሁለት ጊዜ ለሁለት ደቂቃዎች ፍሎራይድ ባለው የጥርስ ሳሙና በክብ ቅርጽ በማሽከርከር በእጅ ወይም በኤሌክትሪክ የጥርስ ብሩሽ መቦረሽ የጥርስ የመበስበስ እና የድድ በሽታ ለመቀነስ ይረዳል፡፡
  • የጥርስ ሳሙናዎ 1000 እስከ 1500 (ፒፒኤፍ ) ፍሎራይድ መያዙን ከመግዛትዎ በፊት ያረጋግጡ።
  • ጥርስ እንደተቦረሸ ወዲያውኑ በውሃ አለመለቅለቅ፦ በአፍ ውስጥ የበዛውን ሳሙና ብቻ መትፋት ትንሽ ቆይቶ ማለቅለቅ የሚመከርሲሆን፥ይህም በጥርስ ሳሙና ውስጥ የተከማቸውን ፍሎራይድ እንዳይታጠብ ያደርጋል።
  • ጥርስ መቦረሽ በማይቻልበት ሁኔታ ውስጥ ፍሎራይድ ያለው የአፍ መታጠቢያ ፈሳሽ መጠቀም እንዲሁም ከስኳር ነፃ የሆነ ማስቲካ ማኘክ የጥርስ መበስበስ ለመከላከል ይረዳል።
  • የጥርሳችንን መሃል ማፅዳት፦ መደበኛ የሆነ በጥርሶች መካከል ጽዳት በጥርሶች መሀል የተሰገሰጉ ምግቦችን ለማውጣት የሚረዳ ሲሆን፥ ይህም የድድ በሽታንና መጥፎ የአፍ ጠረን መከሰትን ሊቀንስ ይችላል።
  • የስኳር መጠን መገደብ፦ ምንጠቀመውን የስኳር መጠን በቀን ወደ 6 ማንኪያ መገደብ እና በየቀኑ ጣፋጭ ምግቦችን በብዛት መጠቀም መቀነስ ይመከራል።
  • የጥርስ ሐኪም ጋር መሄድ፦ የጥርስ ሐኪም ጋር በየጊዜው በመሄድ ይጥርሳችንን ጤንነት መከታተልና ምክር መቀበል መልካም መሆኑን ተነግሯል።

ምንጭ፦ St. Paul’s Hospital Millennium Medical College

 

You might also like
Comments
Loading...