Fana: At a Speed of Life!

ጠ/ሚ ዶ/ር አብይ አህመድ ለይፋዊ የስራ ጉብኝት አቡዳቢ ገቡ

አዲስ አበባ፣ መጋቢት 11፣ 2011 (ኤፍቢሲ) የኢፌዴሪ ጠቅላይ ሚኒስትር ዶክተር አብይ አህመድ ለይፋዊ የስራ ጉብኝት የተባበሩት አረብ ኤሜሬትስ ገብተዋል።

ጠቅላይ ሚኒስትር ዶክትር አብይ አህመድ አቡዳቢ ሲደርሱ ከሀገሪቱ አልጋወራሽ ሼክ ሞሃመድ ቢንዛይድ እና ከፍተኛ ባለስልጣናት አቀባበል አድርገውላቸዋል።

ጠቅላይ ሚኒስትር ዶክትር አብይ አቡዳቢ ከገቡ በኋላም ከአልጋወራሽ ሼክ ሞሃመድ ቢንዛይድ ጋር የተጀመረውን የሁለትዮሽ ጉዳዮችን በማሳደግ ላይና በቀጠናዊ ጎዳዮች ዙሪያ መወያየታቸው ተነግሯል።

ጠቅላይ ሚኒስትር ዶክተር አብይ አቡዳቢ የገቡት በኳታር የነበራቸውን ጉብኝት ከሰዓታት በፊት አጠናቀው ነው።

ጠቅላይ ሚኒስትር ዶክተር አብይ በትናትናው ዕለትም በኳታር ባደረጉት ጉብኝት ከሀገሪቱ ኤሚር ሼክ ታሚም ቢን ሃማድ አል ታኒ ጋር በዶሃ ተወያይተዋል።

መሪዎቹ በውይይታቸውም በሁለትዮሽ ጉዳዮች በኢንቨስትመንት፣ ቱሪዝም እና መሰረተ ልማት ዘርፎች ላይ ያላቸውን ትብብር እና ግንኙነት በበለጠ ማጠናከር በሚችሉበት ሁኔታ ላይ እና በሌሎች ቀጠናዊ በሆኑ ጉዳዮች ዙሪያ መክረዋል።

በተጨማሪም ከሀገሪቱ ጋር ያለውን የሁለትዮሽ ግንኙነት ማጠናከር በሚቻልበት ሁኔታ ነው ከጠቅላይ ሚኒስትር አብዱላሂ ቢን ናስር ቢን ካሊፋ አል ታሃኒ ጋር የተወያዩት።

You might also like
Comments
Loading...