Fana: At a Speed of Life!

ያለጊዜያቸው የሚወለዱ ጥቁር ህፃናት ከነጮች አንፃር የሚደረግላቸው የህክምና ክትትል ዝቅተኛ ነው ተባለ

አዲስ አበባ፣ መጋቢት 19፣ 2011 (ኤፍ.ቢ.ሲ) ያለጊዜያቸው የሚወለዱ ጥቁር ህፃናት በተመሳሳይ ያለጊዜያቸው ከሚወለዱ ሌሎች ህፃናት አንፃር የሚደረግላቸው የህክምና ክትትል ዝቅተኛ ነው ተባለ፡፡

ከጥቁር እናቶች የሚወለዱ ጥቁር ህፃናት ከነጮች፣ ከእስያ፣ ከአሜሪካውያን እና ከሌሎች የሚወለዱ ህፃናት አንፃር የሚደረግላቸው ክትትል ዝቅተኛ በመሆኑ ለችግር የተጋለጡ ናቸው ተብሏል፡፡

ይህ ጥናት ያለጊዜያቸው የተወለዱና በጣም ዝቅተኛ ክብደት ባላቸው ህፃናት ላይ ያተኮረ መሆኑ ተጠቁሟል፡፡

ተመራማሪዎቹ ያጊዜያቸው እና ዝቅተኛ ክብደት ኖሯቸው ለሚወለዱ ህፃናት የሚደረገው ክትትል ፍትሃዊ አለመሆኑን እንዳረጋገጡ ነው የተናገሩት፡፡

ህኖም ጥቁር ህፃናቱ ዝቅተኛ የሆነ የህክምና ክትትል ለማግኘታቸው ጥናቱ የተለየ ምክንያት እንዳላስቀመጠ ተጠቁሟል፡፡

በአሜሪካ 10 በመቶ የሚሆኑት ህፃናት ያለጊዜያቸው እንደሚወለዱ መረጃዎች የሚያመለክቱ ሲሆን፥ በቅርቡ የወጡ ጥናቶች ደግሞ ጥቁር እናቶች ከነጮች አንፃር ያለጊዜ በመውለድ ሁለት እጥፍ ብልጫ አላቸው ተብሏል፡፡

ምንጭ፡- upi.com

You might also like
Comments
Loading...