Fana: At a Speed of Life!

የፈረንሳዩ ማልቴሪየስ ሶፍሌት በ70 ሚሊየን ዩሮ በኢትዮጵያ የብቅል  ፋብሪካ  ለመገንባት የመሰረተ ድጋይ አስቀመጠ

አዲስ አበባ፣ መጋቢት 4፣ 2011 (ኤፍ.ቢ.ሲ) በአለም አቀፍ ደረጃ በብቅል አምራችነቱ የሚታወቀው የፈረንሳዩ ማልቴሪየስ ሶፍሌት በ70 ሚሊየን ዩሮ በኢትዮጵያ የብቅል ፋብሪካ  ለመገንባት የመሰረተ ድጋይ አስቀመጠ፡፡

ኩባንያው በኢትዮጵያ የቢራ ፍልጎት እየጨመረ በመምጣቱ፣  ሄኒከን እና ቢጂአይ የመሰሉ አለም አቀፍ ተቋማት በቢራው ዘርፍ መሰማራታቸው የብቅል ፋብሪካ ለመክፈት ምክንያት እንደሆነው ነው ያስታወቀው፡፡

በግብርና  ጥሬ እቃዎች ላይ ከገበሬው በቀጥታ በመሰብሰብ እሴት ጨምሮ ለገቢያ እንደሚያቀርብ አስታውቋል፡፡

እንዲሁም በኢትዮጵያ ለሚከፍተው የብቅል ፋብሪካ ብቅል ለማሰባሰብ ከ40 ሺህ ገበሬዎች ጋር ትስስር እንደሚፈጥር እና ተጠቃሚ እንደሚያደርግ ነው ያስታወቀው፡፡

ኩባንያው ወደ ስራ በሚገባበት ወቅት ለ300 ቋሚ ሰራተኞች የስራ እድል ይፈጥራል ተብሎ የሚጠበቅ ሲሆን ፋብሪካው በ10 ሄክታር ላይ እንደሚያርፍ ተነግሯል፡፡

የብቅል ፋብሪካው ወደ ምርት ሲገባ በመጀመሪያው 60 ሺህ ቶን ብቅል የሚያመርት ሲሆን መሉ በሙሉ ወደ ስራ ሲገባ 110 ሺህ ቶን ብቅል እንደሚያመርት ተነግሯል፡

ይህ ፋብሪካ በፈረንጆቹ 2020 ወደ ስራ ይገባል ተብሎ ይጠበቃል፡፡

ማልቴሪየስ ሶፍሌት የብቅል ፋብሪካ  በአውሮፓ፣ ኢሲያ እና በደቡብ አሜሪካ ሀገራት 27 ፋብሪካዎች እንዳሉት ተነግሯል፡፡

በኤፍሬም ምትኩ

You might also like
Comments
Loading...