Fana: At a Speed of Life!

የግብርና ሚኒስቴር 1 ነጥብ 9 ሚልየን ሄክታር መሬት በማረስ 26 ሚልየን ኩንታል ምርት ለመሰብሰብ አቀደ

አዲስ አበባ፣ መጋቢት 4፣ 2011 (ኤፍ.ቢ.ሲ) በበጀት ዓመቱ የበልግ ወቅት 1 ነጥብ 9 ሚልየን ሄክታር መሬት በማረስ 26 ሚልየን ኩንታል ምርት ለመሰብሰብ ማቀዱን የግብርና ሚኒስቴር አስታወቀ።

ለዚሁ የሚሆን የማዳበርያ ግዥ ተፈጽሞ በመሰራጨት ላይ ሲሆን÷ ምርጥ ዘር ለሁሉም ሊደርስ እንደማይችል ገልጿል።

16 ሚልየን ኩንታል ማዳበርያም ተገዝቶ በመሰራጨት ላይ እንደሚገኝም ተገልጿል።

የበልግ ወቅትን ቀደም ብለው ለሚቀበሉት አካባቢዎች ቅድሚያ እንዲደርሳቸው ጥረት እየተደረገ መሆኑንም ተገልጿል።

ከምርጥ ዘር ጋር በተያያዘም 1 ነጥብ 5 ሚልየን ኩንታል ምርጥ ዘር ለመሰብሰብ ታቅዶ እስካሁን አንድ ሚልየን ኩንታሉን መሰብሰብ የተቻለ ቢሆንም ቀሪው ተሰብስቦ አለመጠናቀቁ ፈጥነው የበልግ እርሻን ለሚጀምሩ አካባቢዎች ላይደርስላቸው ይችላል ተብሏል።

በሌላ በኩል ሚንስቴሩ በዓመቱ የመስኖ ስራ 3 ነጥብ 4 ሚልየን ሄክታር በማልማት 26 ሚልየን ኩንታል ምርት ለመሰብሰብ ማቀዱን ገልጿል።

በአብዛኛው በዓመቱ አጋማሽ ላይ የሚጀመረው የበልግ እርሻ እና የመስኖ ልማት ስራ በመደበኛው የእርሻ ወቅት ከሚገኘው ምርት ቀጥሎ ሀገሪቱ ከፍተኛ ምርት የምታገኝበት ነው።

ሚኒስቴሩ በዓመቱ የመስኖ ስራ 3 ነጥብ 4 ሚሊየን ሄክታር በማልማት 26 ሚሊየን ኩንታል ምርት ለመሰብሰብ ማቀዱንም ገልጿል።

እስካሁን በመጀመርያው ዙር ከታረሰው 2 ነጥብ 4 ሚልየን ሄክታር 1 ነጥብ 9 ሚልየን ሄክታሩ መልማቱን ነው በሚንስቴሩ የሆትሪካልቸር ልማትና ቴክኖሊጆ ሽግግር ዳይሬክተር አቶ አብደላ ነጋሽ የሚነገሩት።

ግብዓትን በሚመከት በሆርቲካልቸር ግብዓቶች ላይ ክፍተት መኖሩን የሚያነሱት አቶ አብደላ ችግሩ ከመንግስት ከአቅራቢዎችም በኩል መሆኑን ነው ጠቅሰው ሚኒስቴሩ መፍትሄ ለመስጠት ጥረት እያረግን ነው ብለዋል።

ከበልግ እርሻው እና ከመስኖ ልማቱ የሚገኘው ምርት በሀገር ላይ ያለው አስተዋጽኦ ከፍተኛ ከፍተኛ ከመሆኑ አንጻር በተለያየ መልኩ ከግብአት አቅርቦት እና ስርአት ጋር በተያያዙ የሚነሱ የአርሶ አደር እና የአቅራቢዎች ጥያቄዎች ፈጣን ምላሽ  የሚፈልጉ መሆናቸውም ተገልጿል።

በትእግስት አብርሃም

You might also like
Comments
Loading...