Fana: At a Speed of Life!

የአየር ንብረት ለውጥ የልብ ህመም ተጋላጭነትን ከፍ ያደርጋል- ጥናት

አዲስ አበባ፣ መጋቢት 4፣ 2011 (ኤፍ.ቢ.ሲ) የአየር ንብረት ለውጥ በሰው ልጆች የልብ ጤና ላይ ከፍተኛ የሆነ እክል እንደሚያስከትል አዲስ የተሰራ ጥናት አመለከተ።

የአውሮፓ የልብ ጆርናል ላይ የታተመው ጥናት እንደሚያሳየው፥ በዓለማችን ላይ በርካታ ድንገተኛ የልብ ህመሞች ተለዋዋጭነት ካለው የአየር ንብረት  ባህሪ ጋር ተያይዘው የሚያጋጥሙ ናቸው።

በጥናቱ ላይ የተሳተፉት ተመራማሪዎች እንደ አውሮፓውያኑ አቆጣጠር ከ1987 እስከ 2014 ያለውን የታማሚዎች መረጃን በአውሮፓውያኑ ከ2001 እስከ 2014 ካለው የታማሚዎች መረጃ ጋር በማመሳከር ነው ጥናቱን ያካሄዱት።

በጥናቱ ላይ የተሰበሰበው ታማሚዎች መረጃም በወቅቱ ከነበረው የአየር ሁኔታ መረጃ ጋር በማመሳሰል አንድ ላይ እንዲታይ ተደርጓል።

በመረጃዎቹ ላይ በየተደረገው ዳሰሳም ባለፉት ጥቂት ዓመታት በየጊዜው እየጨመረ ከመጣው ሙቀት ጋር ተያይዞ የሚመጣ የልብ ህመም ታጋላጭነት መጠን እየጨመረ መምጣቱን እንደሚያሳይ ነው ተመራማሪዎቹ የሚናገሩት።

ቀዝቃዛ አየር ደግሞ የደም ግፊታችንን መጠን ከፍ ያደርጋል የሚሉት ተመራማሪዎቹ ይህም ለልብ ህመም እንደሚያጋልጥ ነው ያስታወቁት።

ተመራማሪዎቹ በመጨረሻም ጥናታቸው ለአካባቢ አየር ንብረት ለውጥ ከፍተኛ ትኩረት ሊሰጠው እንደሚገባ ያመላከተ ነው ሲሉም አስታውቀዋል።

ምንጭ፦ www.upi.com

You might also like
Comments
Loading...