Fana: At a Speed of Life!

ከአዲስ አበባ ወደ ናይሮቢ ሲበር የነበረ የኢትዮጵያ አየር መንገድ ንብረት የሆነ ቦይንግ 737 አውሮፕላን ተከሰከሰ

አዲስ አበባ፣ መጋቢት 1፣ 2011 (ኤፍ.ቢ.ሲ) ዛሬ ጠዋት ከአዲስ አበባ ወደ ናይሮቢ ሲበር የነበረ የኢትዮጵያ አየር መንገድ ንብረት የሆነ ቦይንግ 737 አውሮፕላን ተከሰከሰ፡፡

በዚህ የአውሮፕላን አደጋም በውስጡ የነበሩ ሁሉም ተሳፋሪዎችና  የበረራ ሰራተኖች ህይወት አልፏል፡፡

አደጋ በደረሰበት አውሮፕላን የ35 ሀገራት ዜጎች እንደነበሩ ነው የተገለጸው፡፡

የበረራ ቁጥሩ ኢቲ 302 የሆነው አውሮፕላኑ 149 መንገደኞችንና ስምንት የበረራ ሰራተኞችን አሳፍሮ ነበር።

ከቦሌ ዓለም አቀፍ አውሮፕላን ማረፊያ ከተነሳ ከስድስት ደቂቃ በኋላ በጠዋቱ 2 ሰዓት ከ44 ደቂቃ በኋላ ግንኙነቱን ማቋረጡንም የኢትዮጵያ ዓየር መንገድ አስታወቋል።

አውሮፕላኑ ቢሾፍቱ አካባቢ የተከሰከሰ ሲሆን፥ የነብስ አድን ስራ በመከናወን ላይ ይገኛል።

እስካሁን ከአደጋው በህይወት ስለተረፈም ሆነ ስለ ሞተ ሰው መረጃ እንደሌለም አስታውቋል።

የአየር መንገዱ የአደጋ ጊዜ ሰራተኞችም አደጋው ወደ ደረሰበት ስፍራ ማምራታቸው የተነገረ ሲሆን የሚቻላቸውን የአደጋ ጊዜ ስራ እያከናወኑ ተብሏል፡፡

የጠቅላይ ሚኒስትር ፅህፈት ቤትም ባወጣው መግለጫ በደረሰው አደጋ የተሰማውን ሀዘን በመግለፅ በአደጋው ቤተሰቦቻቸውን ላጡ ሁሉ በመንግስትና በኢትዮጵ ህዝብ ስም መፅናናት ተመኝቷል፡፡

You might also like
Comments
Loading...