Fana: At a Speed of Life!

የአዲስ አበባ ከተማ አስተዳደር ለወጣቶች የስራ ዕድል ፈጠራ የ2 ቢሊየን ብር ፈንድ አፀደቀ

አዲስ አበባ፣ መጋቢት 8፣ 2011 (ኤፍ.ቢ.ሲ) የአዲስ አበባ ከተማ አስተዳደር ለወጣቶች የስራ ዕድል ፈጠራ የሚውል የ2 ቢሊየን ብር ፈንድ አጽድቋል።

የከተማ አስተዳደሩ ካቢኔ ዛሬ ባደረገው ስብሰባ ነው ለወጣቶች ተዘዋዋሪ የብድር ፈንድ ለመመደብ የቀረበ ረቂቅ ሰነድ ላይ ተወያይቶ ያፀደቀው።

በዚህም መሠረት ዝርዝር ዕቅዶችን በማዘጋጀት እና በአፋጣኝ ከወጣቱ ጋር ሰፊ የምክክር መድረኮችን በማዘጋጀት የጋራ መግባባት ላይ ከተደረሰ በኃላ ወጣቶቹ በተለያየ ዘርፍ ወደ ስራ እንዲገቡ አቅጣጫ ማስቀመጡን ከከንቲባ ጽህፈት ቤት ያገኘነው መረጃ ያመለክታል።

በከተማዋ ከ700 ሺህ በላይ ስራ አጥ ወጣት እንዳሉ መረጃዎች የሚያመለክቱ ሲሆን፥ ይህ የ25 ቢየዮን ብር ተዘዋዋሪ የብድር ፈንድ የስራ አጥ ቁጥሩን ለመቀነስ እና የከተማዋን ኢኮኖሚ በማነቃቃት ረገድ ከፍተኛ አስተዋፅዖ እንደሚኖረውም ይጠበቃል።

You might also like
Comments
Loading...