Fana: At a Speed of Life!

የአየር ንብረት ብክለት ለመካንነት ያጋልጣል- ጥናት

አዲስ አበባ፣ መጋቢት 16፣ 2011 (ኤፍ.ቢ.ሲ) ሰሞኑን በአሜሪካን ሀገር በተሰራ አዲስ ጥናት የአየር ንብረት ብክለት ለመካንነት እንደሚዳርግ ይፋ ሆኗል።

አዲስ ይፋ በሆነው የጥናት ውጤት ብክለቱ ለመካንነት የሚዳርገው የወንድ የዘር ፍሬ ምርትን እንዲቀንስ በማድረጉ ነው ተብሏል።

የጥናቱ መሪ የሆኑት ግለሰብ በዓለም አቀፍ ደረጃ መካንነት ከጊዜ ወደ ጊዜ እየጨመረ መሄዱን ጠቅሰው፥ ምናልባትም የአየር ብክለት አንዱ ሊሆን እንደሚችል ጠቅሰዋል።

ተመራማሪዎቹ ጥናቱን በአይጦች ላይ ያደረጉ ሲሆን፥ በጥናቱም ለአየር ብክለት የተጋለጡ አይጦች የዘር ፍሬ መቀነሱን አሳይቷል።

በጥናቱ እንደተረጋገጠው የአየር ብክለቱ ዘረመል ላይ ተጽዕኖ ባያሳድርም በተዘዋዋሪ ንቁና ንቁ ያልሆነውን ዘረመል ላይ ተጽዕኖውን ያሳርፋል ተብሏል።

ጥናቱ መሰረት አድርጎ የተሰራው በትልልቅ ከተሞች ውስጥ የተፈጠረውን የአየር ንብረት ብክልት በሚያሳድረው ተጽዕኖ ላይ ያተኮረ በዓይነቱ የመጀመሪያው መሆኑ ተነግሯል።

ምንጭ፦ሽንዋ

በአብርሃም ፈቀደ

You might also like
Comments
Loading...