Fana: At a Speed of Life!

የቦይንግ 737-8 ማክስ አውሮፕላን የበረራ መረጃ ሳጥንና የበረራ መቆጣጠሪያ ክፍል መቅረፀ ድምፅ ለምርመራ ወደ ፈረንሳይ ተላከ

አዲስ አበባ፣ መጋቢት 5፣ 2011 (ኤፍ.ቢ.ሲ) ባሳለፍነው እሁድ የተከሰከሰው የኢትዮጵያ አየር መንገድ ቦይንግ 737-8 ማክስ አውሮፕላን የበረራ መረጃ ሳጥንና የበረራ መቆጣጠሪያ ክፍል መቅረፀ ድምፅ ለምርመራ ወደ ፈረንሳይ መላኩ ተገለፀ።

የኢትዮጵያ አየር መንገድ እንዳስታወቀው፥ በአደጋ ምርመራ ቢሮ የሚመራ የኢትዮጵያ ቡድን የበረራ መረጃ ሳጥን እና የበረራ መቆጣጠሪያ ክፍል መቅረፀ ድምፅ በመያዝ ለቀጣይ ምርመራ ወደ ፓሪስ ፈረንሳይ አቅንቷል።

የኢትዮጵያ አየር መንገድ ዋና ሥራ አስፈፃሚው አቶ ተወልደ ገብረማርያም በትናንትናው እለት ከአሜሪካው ሲ.ኤን.ኤን የተሌቪዥ ጣቢያ ጋር በነበራቸው ቆይታ ኢትዮጵያ የአውሮፕላኑ የመረጃ ሳጥን መመርመሪያ መሳሪያ ስለሌላት ለምርመራ ወደ ውጭ ይላካል ማለታቸው ይታወሳል።

አቶ ተወልደ፥ አውሮፕላኑ የበረራ መረጃ ሳጥንና የበረራ መቆጣጠሪያ ክፍል መቅረፀ ድምፅ ምርመራ ከቅርበትና ከፍጥነት አኳያ  ወደ አውሮፓ ሀገራት ሊላክም ይችላልም ብለው ነበር።

በዚህም መሰረት ነው የአደጋ ምርመራ ቢሮ የሚመራ የኢትዮጵያ ቡድን የበረራ መረጃ ሳጥን እና የበረራ መቆጣጠሪያ ክፍል መቅረፀ ድምፅ በመያዝ ለቀጣይ ምርመራ ወደ ፈረንሳይ ያቀናው።

You might also like
Comments
Loading...