Fana: At a Speed of Life!

የብሪታንያ ፓርላማ አባላት ከህብረቱ ጋር የሚያደርጉት ፍቺ እንዲዘገይ ድምጽ ሰጡ

አዲስ አበባ፣ መጋቢት 6፣ 2011 (ኤፍ.ቢ.ሲ) የብሪታንያ ፓርላማ አባላት ከአውሮፓ ህብረት ጋር ሊያደርጉት የነበረው ፍቺ እንዲዘገይ ድምጽ ሰጡ።

አባላቱ የፊታችን መጋቢት 20 ቀጠሮ ተይዞለት የነበረው የፍቺ ስምምነት ለወራት እንዲራዘም ትናንት ምሽት አጽድቀዋል።

በዚህም የፓርላማ አባላቱ ፍቺው እስከ ሰኔ መጨረሻ ድረስ እንዲራዘምላቸው 412 በሆነ የድምጽ ድጋፍና 202 በሆነ ተቃውሞ ውሳኔውን አስተላልፈዋል።

የፓርላማ አባላቱ ጠቅላይ ሚኒስትር ቴሬዛ ሜይ ጥቅምት 8 እና ከትናንት በስተያ  ከህብርቱ ጋር ለመለያየት ያቀረቡትን የፍቺ ስምምነት ሰነድ ውድቅ ማድረጋቸው ይታወሳል።

የፓርላማ አባላቱ ይራዘምልን ውሳኔ ተከትሎ ታዲያ ቴሬዛ ሜይ ለሶስተኛ ጊዜ ከህብረቱ ጋር የገቡትን የፍቺ ስምምነት ሰነድ ለፓርላማው በሚቀጥለው ሳምንት ያቀርባሉ ተብሏል።

የፓርላማ አባላቱም ድጋፍ የሚቸሯቸው ከሆነ ሜይ ህብረቱ ፍቺውን እስከ ሰኔ መጨረሻ ድረስ  እንዲያራዝምላቸው ሊጠይቁ ይችላሉ ተብሏል።

ምንጭ፦ቢቢሲና አልጀዚራ

በአብርሃም ፈቀደ

 

 

You might also like
Comments
Loading...