Fana: At a Speed of Life!

የብሪታንያ የፓርላማ አባላት የሜይን ማሻሻያ ሰነድ ውድቅ አደረጉ

 

አዲስ አበባ፣ መጋቢት 4፣ 2011 (ኤፍ.ቢ.ሲ) የብሪታንያ የፓርላማ አባላት ቴሬዛ ሜይ ሀገራቸውን ከህብረቱ ለመነጠል ያቀረቡትን የማሻሻያ ሰነድ ለሁለተኛ ጊዜ ውድቅ አደረጉ።

አባላቱ ትናንት ምሽት ቴሬዛ ሜይ ብሪታንያን ከአውሮፓ ህብረት ለመነጠል ከህብረቱ ጋር በገቡት ስምምነት ላይ ድምጽ ሰጥተዋል።

በዚህም የጠቅላይ ሚኒስትሯ ሰነድ ማሻሻያ ከፍተኛ በሆነ የድምጽ ልዩነት ተቃውሞ የገጠመው ሲሆን በ391 ተቃውሞ እና በ242 ድጋፍ ውድቅ ተደርጎባቸዋል።

ሜይ ጥር 8 የመጀመሪያውን የፍቺ ሰነድ ለፓርላማው ሲያቀረቡ በ432 ተቃውሞ እና በ202 የድጋፍ ድምጽ በማግኘት ውድቅ እንደተደረገባቸው ይታወሳል።

ጥር 8 የተደረገው የመጀመሪያው የፍቺ ሰነድ በ230 ድምጽ ብልጫ ውድቅ የተደረገባቸው ሜይ፥ ማሻሻያ ያደረጉበት ሰነድም በ149 የድምጽ ብልጫ ውድቅ ተደርጎባቸዋል።

የአባላቱን ውሳኔ ተከትሎም ብሪታንያ ከህብረቱ ያለስምምነት ልትለያይ ትችላለች እየተባለ ይገኛል።

እንዲሁም ብሪታንያ ከሁለት ዓመታት በፊት በተቀመጠው መሰረት ከህብረቱ ለመለያያት 16 ቀናት ብቻ ቀርተዋታል።

አጣብቂኝ ውስጥ የገቡት ቴሬዛ ሜይ በቀጣይ ቀናት ሁለት ውሳኔዎችን ለፓርላማው እንደሚያቀርቡ ይጠበቃል።

ዛሬ ያቀርቡታል የተባለውና በመጪዎቹ 15 ቀናት የሚፈፀመው ፍቺ ያለስምምነት ይፈጸም በሚለው ላይ ፓርላማው ድምጽ ይሰጣል።

 

ምንጭ፦ ቢቢሲ

በአብርሃም ፈቀደ

You might also like
Comments
Loading...