Fana: At a Speed of Life!

የመጀመሪያ ልጇን ከወለደች ከ26 ቀናት ቆይታ በኋላ መንትያ ልጆችን የተገላገለችው እናት

አዲስ አበባ ፣መጋቢት 20፣2011 (ኤፍ.ቢ.ሲ) እርስዎ በቅርብ የሚያውቋት እናት አንድ ልጅ ከተገላገለች ከአንድ ወር ቆይታ በኋላ በድጋሚ ልጅ ወለደች ቢባል ምን ይሰማዎታል ?

በተፈጥሮም ሆነ በሳይንስ እንደምናውቀው አንድ እናት ልጅ ከወለደች በኋላ በድጋሚ ለመውለድ ቢያንስ ከዘጠኝ ወራት በላይ መጠበቅ የግድ ይላታል።

በባንግላዴሽ ግን ከዚህ የተለየ ነገር መከሰቱን ቢቢሲ በድረ ገጹ አስነብቧል።

አሪፋ ሱልጣን የተባለች የ20 ዓመት ወጣት ትክክለኛ ጊዜው ያልደረሰ ወንድ ልጀ በየካቲት ወር መጀመሪያ ላይ ትወልዳለች።

ይሁን እንጅ ከወለደች ከ26 ቀናት በኋላ ማህፀኗ አካባቢ የህመም ስሜት ይሰማታል።

ይህን ተከትሎም በአቅራቢያ ወደ ሚገኝ አንድ ሆስፒታል ታመራለች።

የሆስፒታሉ ዶክተሮች የአልትራሳውንድ ምርመራ በሚያካሂዱበት ወቅትም ሁለት መንትያ ፅንሶች በእናቷ ማህፀን ውስጥ መኖራቸውን ያረጋግጣሉ።

በመቀጠልም ዶክተሮች ባደረጉላት ቀዶ ጥገና መንትያ የሆኑ ሴትና ወንድ ህፃናትን በሰላም መገላገሏ ነው የተገለፀው።

ይህ አይነት አጋጣሚ የተከሰተው እናት አሪፍ ሱልጣን ሁለት ማህፀን ስላላት መሆኑን ዶክተሮቹ ተናግረዋል።

ይህ አይነቱ ክስተትም ሰዎች ከሚያስቡት በላይ የሆነና ከበርካታ አጋጣሚዎች በአንዱ የሚያጋጥም መሆኑንም ዶክተሮቹ አንስተዋል።

ምንጭ፦ ቢቢሲ

You might also like
Comments
Loading...