Fana: At a Speed of Life!

ዚነዲን ዚዳን ወደ ሪያል ማድሪድ አሰልጣኝነቱ ተመለሰ

አዲስ አበባ፣ መጋቢት 3፣ 2011 (ኤፍ.ቢ.ሲ) ፈረንሳያዊው አሰልጣኝ ዚነዲን ዚዳን ወደ ወደ ስፔኑ ሪያል ማድሪድ አሰልጣኝነቱ ዳግም ተመለሰ።

ከዚህ ቀደም ሪያል ማድሪድን ሲያሰለጥን የነበረው ፈረንሳዊው አሰልጣኝ ዚነዲን ዚዳን ለ10 ወራት ከክለቡ ጋር ከተለያየ በኋላ ነው ዳግም የክለቡ አሰልጣኝ በመሆን የተሾመው።

ፈረንሳዊው አሰልጣኝ ዚነዲን ዚዳን ለ5 ወራት ሪያል ማድሪድን ሲመሩ የነበሩትን አሰልጣኝ ሳንቲያጎ ሶላሪን በመተካት ዳግም የሪያል ማድሪድ አሰልጣኝ ሆኗል።

አሰልጣኝ ዚነዲን ዚዳን እንደ አውሮፓውያኑ አቆጣጠር እስከ 2022 ድረስ በሪያል ማድሪድ የሚያቆየውን ስምምነትም ከክለቡ ጋር ተፈራርሟል።

ከ10 ወራት በኋላ ዳግም ወደ ሪያል ማድሪድ የተመለሰው አሰልጣኝ ዚነዲን ዚዳን ወደ ክለቡ መመለሱ እንዳስተደተው ተናግሯል።

“ክለቡ ወደሚገባው የመሪነት ስፍራ መልሼ ማስቀመጥ እፈልጋለሁ” ሲልም አስተያየቱን ሰጥቷል።

“ከዚህ ቀደም በሪያል ማድሪድ መስራት የሚገባኝን ነገሮች በሙሉ አከናውኜ ነበር ከክለቡ ጋር የተለያዩውት” ያሉው ዚዳን፥ “አሁን ደግሞ የሚያስፈልገኝን ሀይል በማሰባሰቤ ክለቡን በድጋሚ ለማሰልጠን ዝግጁ ነኝ” ብሏል።

የሪያል ማድሪድ እግር ኳስ ክለብ ፕሬዚዳንት ፍሎሬንቲኖ ፔሬዝ በበኩላቸው፥ “የዓለማችን ምርጡ አሰልጣኝ በድጋሚ ወደ ክለባችን ተቀላቅሏል” ሲሉ ተናግረዋል።

የ46 ዓመቱ ዚዳን ቡድኑ ለ3 ተከታታይ ዓመት የቻምፒዮንስ ሊግ ዋንጫ ከሪያል ማድሪድ ጋር ካነሳ በኋላ ክለቡን መልቀቁ የሚታወስ ነው።

ምንጭ፦ www.bbc.com/sport

You might also like
Comments
Loading...