Fana: At a Speed of Life!

ካናዳ የህዋዌ ከፍተኛ ኃላፊን ለአሜሪካ አሳልፋ እንደምትሰጥ አስታወቀች

አዲስ አበባ፣ የካቲት 25፣ 2011 (ኤፍ.ቢ.ሲ) ካናዳ የህዋዌ ከፍተኛ ኃላፊ የሆኑትን ሜንግ ዋንዞን ለአሜሪካ አሳልፋ እንደምትሰጥ አስታወቀች።

ሆኖም ካናዳ መጀመሪያ ፍርድ ቤቱ የመጨረሻውን ውሳኔ መወሰን አለበት ብላለች።

የሜንግ ዋንዞን በካናዳ መያዝ ሀገሪቱ ከቻይና ጋር እሰጣ ገባ ውስጥ እንድትገባ ማድረጉ የሚታወስ ሲሆን ሁለት ካናዳውያንም በቻይና ለእስር ተዳርገዋል።

እንዲሁም ሜንግ ለአሜሪካ ተላልፈው እንዲሰጡ ፍላጎታቸውን ማሳየታቸውም ሌላኛው ሀገራቱን ንትርክ ውስጥ ያስገባ ጉዳይ ሆኗል።

እስከአሁንም የካናዳ ፍርድ ቤት ለአሜሪካ ተላልፈው በሚሰጡበት ጉዳይ ላይ አልወሰነም።

ነገር ግን አሜሪካና ካናዳ አንድ ተጠርጣሪ ተላልፎ በሚሰጥበት ጉዳይ ላይ ከዚህ ቀደም የደረሷቸው ስምምነቶች መሰረት ሜንግ ተላልፈው ሊሰጡ ይችላሉ የሚሉ ግምቶች እየወጡ ይገኛሉ።

አዲሱ የካናዳ ውሳኔ ከተሰማ በኃላ ቢሆን የሜንግ ጠበቆች ደስተኛ ያለመሆናቸውን ገልጸዋል።

ለዚህም እንደምክንያት ያስቀመጡት አንደኛው ጉዳዩ ፖለቲካዊ ይዘት ይኖረዋል በሚል መሆኑን ተናግረዋል።

ሁለተኛው ደግሞ ከዚህ ቀደም ዶናልድ ትራምፕ የሀገራቸውን ብሄራዊ ጥቅም የሚነካ ከሆነና ከቻይና ጋር ለጀመሩት የንግድ ጦርነት ጠቃሚ መስሎ ከታያቸው የሜንግን ጉዳይ በያዘው ፍርድ ቤት ጣልቃ እንደሚገቡ መናገራቸውን ጠቅሰዋል።

የካናዳ ፍርድ ቤት ሜንግ ተላልፈው በሚሰጡበት ጉዳይ ላይ የመጨረሻውን ውሳኔ ለመወሰን ከነገ በስተያ ቀጠሮ ይዟል።

ሜንግ  ተላልፈው የሚሰጡ ከሆነ ኩባንያቸው ጨምሮ በአሜሪካ 23 ክሶች እንደሚጠብቃቸው ተነግሯል።

 

ምንጭ፦ቢቢሲ

በአብርሃም ፈቀደ

You might also like
Comments
Loading...