Fana: At a Speed of Life!

ካለ ደረሰኝ ሲሸጡ የነበሩ 1ኀ4 ግለሰቦች በቁጥጥር ስር ዋሉ

አዲስ አበባ ፣ የካቲት 27 ፣ 2011 (ኤፍ ቢ ሲ) የገቢዎች ሚኒስቴር ባካሄደው ድንገተኛ ዘመቻ ካለ ደረሰኝ ሲሸጡ የነበሩ 14 ግለሰቦችን በቁጥጥር ስር ማዋሉን አስታወቀ።

በሚኒስቴሩ የታክስ ማጭበርበር ዳይሬክቶሬት ዳይሬክተር አቶ ሲሳይ ገዙ 8 ድርጅቶች ካለ ደረሰኝ በህገ ወጥ መንገድ ሲሸጡ በቁጥጥር ስር መዋላቸውን ተናግረዋል።

ድርጅቶቹ በመርካቶ፣ ሱማሌ ተራ፣ ሜክሲኮ፣ ጉርድ ሾላ፣ ሃያት እና ካራ አካባቢዎች የተያዙ ናቸው።

በዚህም አማክ ሃላፊነቱ የተወሰነ የግል ማህበር፣ ግሬስ ሃላፊነቱ የተወሰነ የግል ማህበር፣ ሉህንዳ፣ አይመን ሃላፊነቱ የተወሰነ የግል ማህበር፣ ድኮ ሃላፊነቱ የተወሰነ የግል ማህበር፤

ውበት ጮራ ሃላፊነቱ የተወሰነ የግል ማህበር፣ ሰናይ ዘመን ሃላፊነቱ የተወሰነ የግል ማህበር እና ወራን ሃላፊነቱ የተወሰነ የግል ማህበር ናቸው ካለ ደረሰኝ ሲሸጡ የተያዙት።

ከዚህ ጋር በተያያዘም 14 ግለሰቦች በቁጥጥር ስር መዋላቸውን ዳይሬክተሩ ገልጸዋል።

 

 

በለይኩን ዓለም

 

You might also like
Comments
Loading...