Fana: At a Speed of Life!

ከ2 ነጥብ 5 ሚሊዮን ብር በላይ የሚገመት የኮንትሮባንድ ዕቃ በቁጥጥር ስር ዋለ

አዲስ አበባ ፣ የካቲት 24 ፣ 2011 (ኤፍ ቢ ሲ) ድሬደዋ ከተማ እና ያቤሎ አካባቢ በድምሩ 2 ነጥብ 5 ሚሊየን  ብር የሚገመት የኮንትሮባንድ ዕቃ በቁጥጥር ስር ዋለ።
ግምታዊ ዋጋው 1 ሚሊየን 300 ሺህ ብር የሆነ ኮንትሮባንድ ልባሽ ጨርቅና ሲጋራ የካቲት 22 ቀን 2011 ዓ.ም በድሬደዋ  አዲሱ ኬላ ተብሎ የሚጠራ ሰፍራ በቁጥጥር ስር ውሏል።
የድሬደዋ ጉምሩክ ቅርንጫፍ ፅህፈት ቤት እንዳስታወቀው ኮንትሮባንዱ መጋዘን ውስጥ ተከማችቶ እያለ ህብረተሰቡ ባደረሰው ጥቆማ ሊያዝ ችሏል።
በተመሳሳይ ግምታዊ ዋጋው 1 ነጥብ 2 ሚሊየን ብር የሆነ የኮንትሮባንድ ንግድ ውስጥ የተገኙ አልባሳትና ኤሌክትሮኒስ ምርቶች በተመሳሳይ ቀን ያቤሎ የመቆጣጠሪያ ጣቢያ በቁጥጥር ስር ውሏል።
የኮንትሮባንድ ዕቃው በተሽከርካሪ ሲጓጓዝ በፀጥታ ሃይሎች መያዙን የገቢዎች ሚኒስቴር አስታውቋል።

You might also like
Comments
Loading...