Fana: At a Speed of Life!

ከ2 ሺህ በላይ ዶሮዎችን ጫካ ውስጥ እያራቡ ያሉት ጣሊያናዊ

አዲስ አበባ፣ የካቲት 26፣ 2011 (ኤፍ.ቢ.ሲ) በዓለም አቀፍ ደረጃ የስጋ ፍላጎትን ለማሟላት የዶሮ እርባታዎች ትልቅ ድረሻ አላቸው፡፡

ለዚህም የዘርፉን ምርትና ምርታማነትን ለማሳደግ ዶሮዎችን በዘመናዊ መንገድ ማራባት የተለመደ ሆኗል፡፡

ከወደ ሰሜን ጣሊያን የወጣው መረጃ ግን ዶሮዎችን በባህላዊ መንገድ ጫካ ውስጥ በመልቀቅ በተፈጥሯአዊ መንገድ ከዘርፉ ገቢ ማግኘት እንደሚቻል ማሲሞ ራፔላ የተባሉት የ48 ዓመቱ ጣሊያናዊ ልምዳቸውን ለዩፒአይ አጋርተዋል፡፡

ዶሮዎቹ በነፃነት ጫካ ውጥ ተለቀው ምርት እየሰጡ እንደሆነ የተናገሩት አርቢው በጥቂት ዶሮዎች ስራቸውን መጀማራቸውንና አሁን ላይ ቁጥራቸውን 2 ሺህ 100 ማድረሳቸውን ይነገራሉ፡፡

በዚህም በየቀኑ 1 ሺህ 300 ያህል እንቁላሎችን በየቀኑ እንደሚሰበስቡ ነው ማሲሞ ራፔላ የሚናገሩት፡፡

ዶሮዎቹ በ2 ሄክታር ጫካ ውስጥ ተለቀው ቅጠላቅጠሎችን ፣ በጫካ ውስጥ የሚገኙ ጥቃቅን ነፍሳትን እንሚመገቡም ነው የተገለጸው፡፡

በዚህም ከእነዚህ ዶሮዎች የሚገኘው የእንቁላል ምርት ጣፋጭና የተሻለ የፕሮቲን ይዘት እንዳለው አርቢው ተናግረዋል፡፡

ለአካባቢው ማህበረሰብ ጣፋጭና ተፈጥዊ የሆነ የጫካ እንቁላል በቀጣይነት የማቀረብ ፍላጎታቸውን አስረድተዋል፡፡

ይሁን እንጅ መጀመሪያ ላይ በዚህ ጫካ ውስጥ ያሰማሯቸው ዶሮዎች ጫካውን እንዳልተላመዱትና ጫካ ውስጥ ለመኖር ተቸግረው እንደነበረ አስታውሰዋል፡፡

የዱር አውሬዎች ይበሉባቸው እንደነበረ በመግለጽ ጫካውን ማጠራቸውና ዶሮዎችን ከውሬ የሚጠብቁ ሁለት ውሾች ማላመዳቸውን ጠቁመዋል፡፡

አንድ የበጎ አድራጎት ትምህርት ቤት ያስተዳደሩት የነበሩት ማሲሞ ራፔላ በ2008 ሀገሪቱን የፋይናስ ቀውስ ሲገጥማት የመንግስት ድጎማ ሲቋረጥ በድንገት ከቤተሰቦቻቸው ጋር ወደ ዚህ ስራ መግበታቸውም ተነግሯል፡፡

አጋጣሚው የተፈጠረውም ለቤተሰባቸው የእንቁላል ፍጆታ ታሳቢ በማድረግ የተወሰኑ ዶሮዎች በአንድ ጫካ ውስጥ በማሰማራታቸው ነው ተብሏል፡፡

ምንጭ፡- odditycentral.com

You might also like
Comments
Loading...