Fana: At a Speed of Life!

ኢንጅነር ታከለ ኡማ ከፈረንሳይ ኩባንያዎች ጋር ተወያዩ

አዲስ አበባ፣ መጋቢት 6፣ 2011 (ኤፍ.ቢ.ሲ) የአዲስ አበባ ከተማ ምክትል ከንቲባ ኢንጅነር ታከለ ኡማ ከፈረንሳይ ኩባንያዎች ጋር ተወያዩ፡፡

ኩባንያዎቹ ከፈረንሳዩ ፕሬዚዳንት ኢማኑኤል ማክሮን የልዑካን ቡድን ጋር ወደ አዲስ አበባ የመጡት ናቸው ተብሏል።

ኩባንያዎቹ በስማርት ሲቲ ግንባታ፣ በትራንስፖርት፣ በቴክኖሎጂ ዘርፍ፣ በንፁህ መጠጥ ውሃ አቅርቦት፣ በስፖርት ማዘውተሪያ ግንባታ እና በትምህርት ዘርፍ በአዲስ አበባ ከተማ ውስጥ ኢንቨስት በሚያደርጉበት ሁኔታ ዙሪያ ተወያይተዋል።

እንዲሁም የፋይናንስ ድጋፍ በሚያደርጉበት ሁኔታ ላይ ከምክትል ከንቲባው ጋር ተወያይተዋል፡፡

ምክትል ከንቲባው በበኩላቸው የከተማውን ነዋሪ ህይወት ለመቀየር በርካታ ስራዎች እየተሰሩ መሆናቸውን ጠቅሰዋል።

እንዲሁም የፈረንሳይ ኩባንያዎች በአዲስ አበባ ከተማ ውስጥ ለሚኖራቸው ተሳትፎ የከተማ አስተዳደሩ አስፈላጊውን ሁሉ ድጋፍ እንደሚያደርግ ቃል ገብተዋል፡፡

በመጨረሻም ከሁለቱም ወገን ምክክር የተደረገባቸው ጉዳዮች በአፋጣኝ ወደ ተግባር እንዲቀየሩ ሁኔታዎችን የሚያመቻች ኮሚቴ መዋቀሩን ከከንቲባ ጽህፈት ቤት ያገኘነው መረጃ ያመለክታል፡፡

You might also like
Comments
Loading...