Fana: At a Speed of Life!

ኢማኑኤል ማክሮን በኬንያ ጉብኝት እያደረጉ ነው

አዲስ አበባ፣ መጋቢት 4፣ 2011 (ኤፍ.ቢ.ሲ) የፈረንሳዩ ፕሬዚዳንት ኢማኑኤል ማክሮን በኬንያ ጉብኝት በማድረግ ላይ ናቸው።

የኢትዮጵያ ጉብኝታቸውን ዛሬ ማለዳ ያጠናቀቁት ማክሮን ከሰዓታት በፊት ኬንያ ገብተዋል።

ኬንያ ሲደርሱም የሀገሪቱ ፕሬዚዳንት ኡሁሩ ኬንያታ በቤተመንግስታቸው አቀባበል አድርገውላቸዋል።

አንድ የፈረንሳይ ፕሬዚዳንት ኬንያን ሲጎበኝ የኢማኑኤል ማክሮን የመጀመሪያው ነው ተብሏል።

ፕሬዚዳንት ኡሁሩ ባስተላለፉት የትዊተር መልዕክት በዚህ ታሪካዊ ጉብኝት ወዳጄን መቀበል በመቻሌ ደስተኛ ነኝ ሲሉ አስፍረዋል።

ማክሮን የምስራቅ አፍሪካ ጉብኝታቸውን የጀመሩት ከትናንት በስተያ በጅቡቲ እንድነበር ይታወሳል።

ፕሬዚዳንቱ በኢትዮጵያ በነበራቸው ቆይታም የላሊበላ ውቅር አብያተ ክርስቲያናትን ጎብኝተዋል።

እንዲሁም ሁለቱ ሀገራት የመከላከያ ትብብር ስምምነት እና የኢንቨስትመንት ማስፋፋያ የመግባቢያ ስምምነት ተፈራርመዋል።

 

 

You might also like
Comments
Loading...