Fana: At a Speed of Life!

አደጋ ያጋጠመው የቦይንግ 737 ማክስ 8 አውሮፕላን ጥቁር ሳጥን የምርመራ ስራ በፈረንሳይ ተጀመረ

አዲስ አበባ፣ መጋቢት 6፣ 2011 (ኤፍ.ቢ.ሲ) ከአዲስ አበባ ወደ ናይሮቢ በመብረር ላይ እያላ አደጋ ያጋጠመው የኢትዮጵያ አየር መንገድ አውሮፕላን ቦይንግ 737 ማክስ 8 ጥቁር ሳጥን ምርመራ በፈረንሳይ ተጀመረ፡፡

የምርመራ ባለሙያዎች  በሳጥኖቹ ውስጥ ያለው መረጃ የምርመራ ውጤቱ ለማወቅ  ቀናትን ሊወስድ እንደሚችል ነው የተናገሩት፡፡

ይህ ጥቁር ሳጥን  አደጋ በተከሰተበት ወቅት የነበሩ ቃለ ምልልሶች እና የበረራ ሁኔታን የሚያመለክቱ መጃዎችን እንደሚይዝ ነው የፈረንሳይ የምርመራ ቡድን ያስታወቀው፡፡

መሪማሪዎቹ  የበረራ ሪከርደሮች ትክክለኛ መረጃዎችን እንደሚይዙ የገለጹ ሲሆን የምርመራ ስራው እንደተጀመራ ለሲ ኤን ኤን ተናግረዋል፡፡

በዚህ የምርምራ ስራ ኢትዮጵያን የሚወክሉ ባለሙያዎች እየተሳተፉ የሚገኙ ሲሆን የአሜሪካ  ብሄራዊ የትራንስፖርት ደህንነት ቦርድ ሶስት ባላሙያዎች እንደላከ ተነግሯል፡፡

ባለፈው እሁድ 149 ተሳፋሪዎችን እና  ስምንት የበረራ ሰራተኞች ይዞ ከአዲስ አበባ ወደ ናይሮቢ ሲበር የነበረው ቦይግን 737 ማክስ ቢሾፍቱ አከባቢ ተከስክሶ  በአውሮፕላኑ የነበሩ ሁሉም ሰዎች ህይወት ማለፉ የሚታወስ ነው፡፡

ይህን ተከትሎ የኢትዮጵያ አየር መንገድ ባሳለፍነው እሁድ ያሉትን ሁሉንም ቦይንግ 737-8 ማክስ አውሮፕላኖችን ላልተወሰነ ጊዜ ከበረራ አገልግሎት ማስወጣቱ ይታወሳል።

ከዚህ በተጨማሪም ቻይና፣ ብሪታኒያ፣ ፈረንሳይ፣ ጀርመን፣ የአውሮፓ ህብረት፣ አውስትራሊያ እና ካናዳ አውሮፕላኑ በሀገራቸው ውስጥ ጥቅም ላይ እንዳይውል እና በአየር ክልላቸው እንዳይበር ካደጉ ሀገራት ውስጥ ናቸው።

የአሜሪካ የፌደራል አቩዬሽን አስተዳደር ቦይንግ 737 ማክስ የተሰኙ አውሮፕላኖች ላልተወሰነ ጊዜ በአሜሪካ አየር መንገዶች ጥቅም ላይ እንዳይውል እና አውሮፕላኑ በአሜሪካ የአየር ክልል ውስጥ እንዳይበር ትእዛዝ ማሳለፉም ይታወሳል።

You might also like
Comments
Loading...